Cao
Cao utawa Cincau (Hanzi: 仙草, pinyin: xiancao) yaiku gèl kang mèmper ager-ager.[1] Cao digawé saka cem-ceman godhong tuwuhan cao.[1] Gèl dumadi awit godhong tuwuhan iku ngandhut karbohidrat kang bisa ngiket molekul-molekul banyu.[1]
 Cao kang disajekake ana ing gelas | |
| Panggonan asal | Asia Tenggara |
|---|---|
| Woworan pokok | Godhong Cao |
 Buku masakan: Cao  Médhia: Cao | |
Tembung cao asalé saka dialék Hokkian sienchau (Hanzi: 仙草, pinyin: xiancao) kang lumrahé diunékaké wong Tionghoa ing Asia Tenggara.[1] Cao dhéwé ing basa asalé sabenere yaiku jeneng tuwuhan (Mesona spp.) kang dadi bahan kanggo nggawé gel iki.[1]
Cao paling akèh digunakaké dadi bahan kanggo nggawé ombènan kaya ta ès cao utawa ès campur.[1] Cao uga nduwéni éfék penyejuk lan peluruh.[1]
Carané nggawé
besutCara nggawé cao kang sepisanan yaiku kanthi ngrendhem godhong cao kang wis diremes-remes utawa diajurké.[1] Ana uga kang nggunakaké kanthi cara nggodhog godhong cao dhisik.[1] Sawisé iku banjur diwénéhi soda kué.[1] Soda kué iki gunané kanggo ngawétaké.[1] Werna cao akèh macemé, ana kang nduwéni warna ijo kenthel, ireng transparan.[1] Konsistensiné uga warna-warna.[1] Werna lan konsistensi iki béda-béda awit tuwuhan kang dianggo nggawé uga béda-béda.[1]
Tuwuhan kang ngasilaké cao
besutTuwuhan kang ngasilaké cao yaiku:
- Tuwuhan saka génus Mesona, mligi M. procumbens, M. chinensis kang akèh ditandur ing Tiongkok pérangan kidul lan Indocina, utawa M. palustris (misuwur kanthi jeneng lokal Janggelan) kang akèh tinemu ing Indonésia, tuwuhan iki ngasilaké cao kang wernané ireng.[1]
- Cylea barbata Myers utawa cao ijo, ngasilaké cao kang warna ijo lan rada luwih kentel konsistensiné.[1]
- Melasthoma polyanthum utawa cincau perdu.[1]
"Woh" botani dudu woh nanging syconia Ficus pumila (fikus rambat) ing Tiongkok uga digunakaké dadi bahan jinis cao liyané kang diarani "pai-liang-fen"[2] Woh iki didol dadi grass jelly kaya cao utawa ai-yu jelly.[2]
Cao ijo
besutTuwuhan cao ijo (C. barbata Myers.) mrambat, godhongé nduwéni warna ijo pucet lan ana rambuté ing dhuwur godhong.[3] Saliyané ngasilaké cao, ékstrak tuwuhan iki uga ngandhut zat anti-protozoa, tetrandine, yaiku alkaloid, mligi marang jalaran malaria Plasmodium falciparum.[3]
Cathetan suku
besut
| Artikel iki minangka artikel rintisan. Kowé bisa ngéwangi Wikipédia ngembangaké. |