Charles Coulomb
Charles-Augustin de Coulomb (14 Juni 1736[1] - 23 Agustus 1806) inggih punika salah satunggaling ilmuwan Perancis ingkang namanipun dipunabadikaken kanggé ékan listrik saperlu maringi pakurmatan panalitén wigatipun ingkang sampun dipuntindakaken déning ilmuwan punika.
Riwayat
besutCoulomb asalipun saking kulawarga bangsawan ingkang gadhah prabawa ageng dumugi pendidikanipun kajamin. Piyambakipun gadhah bakay ageng wonten ing babagan matematika lan sinau teknik saperlu dados Korps Ahli Teknik Karajan. Sasampunipun tugas wonten ing Martinique sawatawis wekdal, piyambakipun kondur malih dhateng Paris lan rikala taun 1779 kapilih dados anggota Akademi Ilmiah nalika taun 1781. Rikala wekdal Revolusi Perancis pecah, piyambakipun kapeksa ninggalaken Paris lan dumunung ing Blois sesarengan kaliyan kancanipun ingkang ilmuwan ugi, Jean-Charles de Borda (1733-1799). Piyambakipun nglajengaken manéka percobaanipun lan pungkasanipun dipunangkat dados inspektur pendidikan rikala taun 1802.[2]
Percobaan awal Coulomb ngambah tekanan ingkang saged mecahaken sawijining barang (1773) lan punika minangka awal ngèlmu modern babagan kekiyatan benda-benda. Karyanipun ing babagan listrik lan magnet ingkang damel piyambakipun lajeng dados misuwur, nembé dipunterbitaken wonten ing sarangken makalah antawisipun taun 1785 lan 1789.
Nindakaken percobaan kaliyan magnet kompas, piyambakipun langsung ningali bilih gesekan wonten ing sumbu jarum njalari kalepatan. Piyambakipun damel kompas kanthi jarum ingkang kagantung ing benang ingkang lembut. Lajeng piyambakipun mendhet dudutan; agengipun puntiran ing benang kedahipun sami kaliyan kekiyatan ingkang kénging jarum saking medan magnetik bumi. Punika miwiti penemuan Timbangan Puntir, saperlu nimbang benda-benda ingkang entheng sanget. (Geolog Inggris John Michell kanthi kapisah ugi manggihaken timbangan puntir ing taun 1750, nanging piyambakipun gagal migunakaken kanggé ngukur medan daya tarik bumi).
Timbangan puntir wau mbekta Coulomb dhateng penemuan ingkang paling wigati. Kanthi ngebahaken 2 bulatan ingkang gadhah momotan listrik ing caket timbangan puntir, piyambakipun nedahaken bilih kekiyatan ing antawising kekalih benda punika bènten-bènten manawi kekalih benda punika sami nebihi. Piyambakipun nyinaoni akibat gesekan ing mesin-mesin lan nedahaken téyori babagan pelumasan. Sedaya punika, sesarengan pamanggihpun babagan magnet, dipunterbitaken ing Téyori babagan Mesin Sederhana rikala taun 1779.[3]
Saking taun 1784 dumugi taun 1789, nalika makarya ing manéka departemen pamaréntah, piyambakipun nliti elektrostatika lan magnet. Taun 1785 wonten hukum Coulomb; daya tarik lan daya tolak kelistrikan antawising 2 benda ingkang gadhah momotan listrik inggih punika perkalian muatanipun kaliyan kuadrat kuwalik saking jarakipun. Rumus punika mirib sanget kaliyan hukum gravitasi Newton.
Wonten ing Blois, Coulomb nliti sipat momotan listrik ing benda lan kapanggihaken bilih momotan mau namung wonten ing lumah benda. Kapanggihaken ugi bilih daya magnet ugi ndherekaken hukum kuadrat kuwalik kados déné daya listrik statis. Sapérangan karyanipun kapanggihaken ugi déning Henry Cavendish nanging karya Cavendish nembé terbit rikala taun 1879. Penemuan Coulomb ingkang mesthikaken wontenipun gayutan antawising kelistrikan lan magnetisme samangke kabuktikaken déning Hans Christian Ørsted sarta Siméon Poisson. Lan punika dados dhasar panaliten elektrodinamika déning Andre-Marie Ampere. Sedaya karyanipun nedahaken orisinalitas lan panaliten ingkang tliti sarta tumemen.
Cathetan suku
besut- ↑ http://www.corrosion-doctors.org/Biographies/CoulombBio.htm
- ↑ "Archive copy". Diarsip saka sing asli ing 2012-12-30. Dibukak ing 2013-02-17.
{{cite web}}: CS1 maint: archived copy as title (link) - ↑ http://global.britannica.com/EBchecked/topic/140071/Charles-Augustin-de-Coulomb
Pranala njaba
besut- http://cnum.cnam.fr/CGI/fpage.cgi?8CA121-1/3/100/416/79/316 French National Library The Mémoires of Coulomb available in pdf format.
- http://www.encyclopedia.com/topic/Charles_Coulomb.aspx
- http://www.biografiasyvidas.com/biografia/c/coulomb.htm
- John J. O'Connor lan Edmund F. Robertson. Charles Coulomb ing MacTutor archive.