Cipera
Cipera inggih punika satunggaling olah-olahan ingkang khas saking Suku Karo ing Sumatra Lor. Masakan cipera punika dipundamel kanthi bahan dhasar daging saking ayam kampung lan glepung jagung. Tugelan daging ayam kampung lajeng dipunmasak kaliyan glepung jagung dumugi dados empuk lan duduhipun kenthel. Supados pikantuk duduh ingkang langkung kenthel, pramila glepung jagung ingkang dipun-ginakaken punika kedah saking bulir ingkang sampun tua lajeng dipunsangrai lan dipunalusaken.
Kejawi mawi bahan dhasar utama ingkang wujud daging ayam kampung lan tepung jagung, cipera punika ugi gadhah bahan-bahan sanèsipun, inggih punika kadosta jamur merang, sarta bumbu-bumbu pawon sanesipun ingkang wujud sere, asem cekala, tomat, lombok, godhong slèdri, brambang lan sanèsipun.
Wontenipun cipera piyambak punika kathah dipuncawisaken wonten ing perayaan pesta adhat karo. Kejawi punika cipera ugi saged kapanggihaken kanthi gampil wonten ing sapérangan griya dhahar ingkang wonten ing Kabanjahe, Berastagi, lan ugi wonten ing Medan.