Curug Cilember
Curug Cilember utawa kaloka uga kanthi sebutan "Curug Pitu", ya iku salah sijining papan wisata sing dumunung ing Gunung Cilember, kang nganggo aturan ékowisata. Papan wisata kang ngunggulaké wisata alam iki duwèni sesawangan kang apik, adhem, uga nyuguhaké alas ijo kas Indonésia. Papan wisata iki panggoné ana ing Désa Cisarua, Jawa Kulon. Bisa dijujug nganggo kabèh jinisé tetunggangan dharat, kira-kira ana 25 (slawé) km saka Bogor kutha lan 100 (satus) km saka Kutha Jakarta. Curug Cilember kaloka dadi wisata sinau lan rekreasi kang murah-meriah. Para wisatawan mung ditarik béya karcis Rp 6.000,-/ wong.
Dhaérah Curug Cilember ana ing 700m-1.010 m saka pamukaan laut kanthi duwèni suku 15°-25 °C. Pada karo jenengé, Curug Cilember cacahé pitu. Jarak antarané curug siji lan liyané ora patia adoh uga ora patia terjal. Saliyané nguguhaké sesawangan grojokan kang asri, ing kana uga ana papan wisata liya kaya ta; taman budidaya Kupu-Kupu (Butterfly Park), papan kanggo dolanan (Outbound Activity), papan kanggo kémah (Camping Ground), papan kanggo nginep (Jungle Lodge), dan ana uga papan mirunggan kanggo temu ya iku duwèni jejuluk (Meeting Room) [1].
Cara Nempuh besut
Anggèné bisa menyang Curug Cilember bisa nganggo montor dhéwé utawa nyarter montor, nanging uga bisa mrana numpak tetunggangan umum. Yèn weruh arah-arahané ora angèl kanggo mrana, uga murah. Saka Jakarta tuladhané; tuku karcis KRL Jakarta-Bogor Rp 7.000,-, numpak montor 02 Kalisari-Bubulak Rp 2.000,-, lan pungkasan numpak Montor Sukasari-Cisarua Rp 4.000,-, Totalé udakara Rp 30.000,-wis bisa budhal mulih.[2].
Curug 1 (siji) nganti 7 (pitu) besut
Grojokan utawa curug sing ana Gunung Cilember cacahé ana pitu. Jarak antara curug siji lan liyané rada adoh lan dalané munggah mudhun. Cara nuju curug siji lan liyané kudu ngléwati dalan tapak. Dalan tapak iku dalan cilik lan mung bisa diliwati sikil (lumaku), amarga dalané cilik dadi kudu siji-siji anggoné lumaku.
Wahana besut
Taman Budidaya Kupu-Kupu (Butterfly Park) ya iku taman kang duwé 12 (rolas) jinisé kupu-kupu. Taman budaya iki bisa dianggo sarana sinau uga rékréasi. Kanggo lumebu, wisatawan kudu tuku karcis kang regané Rp 5.000,-. Ing kana ana punggawa kang ngandaraké babagan owahing kupu-kupu (metamorfosis), ngandaraké babagan jinisé kupu-kupu, lan njawab pitakonan-pitakonan saka para wisatawan.[3].
Papan Kanggo Dolanan (Outbound Activity) ya iku papan kanggo dolanan, nanging uga kanggo sinau (education). Papan iku kaya ta takluk alas (Trakking jungle), filming, photography ana uga dalan pit kang bisa kanggo balapan pit.
Papan Kemah (Camping Ground) ya iku papan kang dibuka kanngo wisatawan sing arep nginep di Curug lan ngganggo téndha. Akèh sudhut kang disedhiakaké kanggo kémah. Ing dina-dina préén, papan kémah adate ramé. Sing kémah ning kana ora mung bocah sekolah utawa cah enom-enom nanging uga sakulawarga. Petugas pangramut papan wisata Cilember nyepakaké sewa téndha regané Rp 75.000,-, kasur Rp 15.000,-, ana uga piranti liyané kaya ta lampu, génsét, kasur gabus matras, lan kayu bakar. Papan Kémah uga dipepaki MCK (Mandi Cuci Kakus), lan Langgar.[4].
Pondhok Cilember. Papan wisata Curug Cilember akèh pondhok kang disewaaké. Papan Panginepan ing Cilember ora mathog rega kang larang. Yèn arep wisata ing Cilember, wisatawan bisa milih papan panginepan endi sing cocog (cocog rega, cocog panggonan, uga cocog jarake karo Curug). Rega pondhoké uga rena-rena manut pepak pirantiné, rega murah dhéwé Rp 600.000,-lan rega larang dhéwé Rp 900.000,-sadina sewengi.
Cathetan suku besut
- ↑ "Curug Cilember". Diarsip saka sing asli ing 2012-09-15. Dibukak ing 2012-09-20.
- ↑ Plesir Curug Cilember
- ↑ Taman Kupu-Kupu[pranala mati permanèn]
- ↑ Fasilitas[pranala mati permanèn]
| Artikel iki minangka artikel rintisan. Kowé bisa ngéwangi Wikipédia ngembangaké. |