Danarto

Danarto ingkang miyos wonten ingSragen, Jawa Tengah ing tanggal 27 Juni 1940 inggih punika salah satunggaling sastrawan saha pujangga Indonésia Karya-karyanipun ingkang misuwur ing antawisipun kados ta kempalan carkak, Godlob. Kempalan cerpenipun ingkang sanès kanthi irah-irahan, Adam Ma'rifat, dados jawara bebungah Sastra 1982 Dewan Kesenian Jakarta, saha Bebungah Buku Utama 1982. Ing taun 2009, Danarto pikantuk Ahmad Bakrie Award kanggé babagan kesusasteraan.

Danarto

Riwayat Pagesanganipun

Danarto miyos ing Sragen saking tiyang sepuhipun Siti Aminah ingkang makarya dados bakulan ing pasar kabupatèn sragen saha bapakipun kanthi asma Djakio Hardjosoewarno, ingkang minangka buruh pabrik gendhis Modjo. Danarto inggih putra kaping sekawan saking gangsal sadulur. Piyambakipun gadhah garwa, Siti Zainab Luxfiati ingkang dados psikolog. Danarto sampun naté ngrampungaken Sekolah Dasar (SD), lajeng sekolah ing tingkat SMP, lajeng nerasaken sekolah SMA pérangan sastra ing Sala. Lajeng ing taun 1958 – 1961 piyambakipun kuliah ing Akademi Kagunan Rupa Indonésia (ASRI) Yogyakarta jurusan Kagunan Lukis. Ing sadangunipun kuliah ing ASRI Yogyakarta, piyambakipun aktip wonten ing Sanggar Bambu ingkang dipunpandhegani déning pelukis Sunarto Pr, saha aktip ndhirikaken Sanggar Bambu Jakarta. Ing taun 1979 – 1985 piyambakipun sampun naté makarya wonten ing majalah Zaman, lan ing taun 1976 ndhèrèk International Writing Program ing Universitas Iowa, Iowa City, Amérikah Sarékat. Taun 1983 dhateng wonten ing Festival Penyair Internasional ing Rotterdam, Walanda. Danarto ugi sampun naté tumut ing Teater Sardono, ingkang sampun naté pentas ing Éropah Barat saha Asia, ing taun 1974. Kajawi ngawontenaken pentas ing Kanvas Kosong (1973), piyambakipun ugi ngamwontenaken pameran puisi konkret ing taun 1978. Ing tanggal 1 Januari 1986, Danarto rabi kaliyan Siti Zainab Luxfiati. Nanging 15 taun salajengipun, piyambakipun pegat kaliyan garwanipun. Kajawi dados sastrawan, Danarto ugi misuwur dados pelukis ingkang sampun naté ngawontenaken pameran ing kathah kitha ing Indonésia saha ing njaban rangkah Indonésia. Minangka budayawan saha pujangga, piyambakipun naté ndhèrèk program nyerat ing njaban rangkah Indonésia, kados ta ing Kyoto, Jepang.

Asiling Karya

• Godlob, kumpulan carkak, 1975
• Adam Ma'rifat, kumpulan carkak, 1982?
• Orang Jawa Naik Haji, catatan perjalanan ngibadah haji, 1983
• Asmaraloka
• Jogèd dari Langit
• Begitu Ya Begitu, Nanging Mbok Jangan Begitu
• Gergasi: Kumpulan Cerita Pendek
• Berhala: Kumpulan Cerita Pendek
• Abracadabra
• Setangkai Melati di Sayap Jibril
• Kacapiring