Dashi

Dashi (出汁, Dashi^?) ya iku kaldu dhasar kanggo sakabehing masakan Jepang. Dashi digawé saka sari kombu lan katsuobushi kang dilebokake ing banyu umub lan disaring sawisé katsuobushi kelem. Saliyané katsuobushi, dashi uga kerep digawé saka sababushi, niboshi lan jamur shiitake kang digaringaké.

Dashi insatan gawéan pabrik kang wujudé bubuk kerep dipigunakake miangka gentine dashi. Panganggone dashi bisa ditambah shōyu, mirin, cuka lan miso miturut masakan kang arep digawé.

Dashi bisa digawé kanthi cara ngekum kombu, shiitake, lan niboshi pirang-pirang jam lan digodhog nganti umub. Dashi kang digawé saka kum-kuman kombu kang diumubake diarani dashi kombu. Shiitake dashidigawé saka jamur shiitake kang dikum ing banyu biyasa. Déné nibosho dashi digawé kanthi cara ngekum niboshi kang wis dibuwang sirahé ing banyu supaya ora pait.

Ichiban dashi ya iku arane dashi kang digawé saka asil saringan pisanan sari kombu lan katsuobushi. Niban dashi ya iku dashi kang digawé saka kombu lan katsuobushi kang wis dijupuk sarine nalika nggawé ichiban dashi.

Pranala njaba

• Resep dashi