Masakan Jepang

Masakan Jepang (日本料理, nihon ryōri, nippon ryōri^?) ya iku panganan kang dimasak nganggo cara masak kang tuwuh ngrembaka kanthi unik ing Jepang lan migunakaké bahan pangan saka Jepang lan saubengé. Ing basa Jepang, panganan jepang diarani nihonshoku utawa washoku. Sushi, tempura, shabu-shabu, lan sukiyaki minangka panganan Jepang kang kawentar ing manca nagara kalebu ing Indonésia.

Sushi, panganan Jepang kang kawentar ing mancanagara

Bahan lan bumbu

Bahan panganan wiwit jaman kuna

• Palawija, janganan, kacang-kacangan, (kedhelé), soba, woh, lan pala kapendhem.
• Tuwuhan alasan, jamur, rumput laut
• Endhog pitik, panganan laut

Bumbu wiwit jaman kuna

• Uyah
• Cuka
• Miso
• Shōyu
• Wasabi
• Jaé
• Andaliman (sanshō)
• Loncang (jinis Loncang kang gagangé luwih akèh kang wernané ijo(aonegi) dianggo ing Kansai, yèn unclang kang gagangé akèh kang wernane putih (nebukanegi) disenengi ing tlatah Kanto
• Godhong shiso minangka bumbu panyedhep.
• Lombok abang sithik, mligine kanggo campuran bubuk shichimi
• Dashi