Katsuobushi (鰹節?) ya iku panganan awetan kang bahan bakune iwak cakalang (katsuo). Katsuobushi diserut dadi kaya serutan kayu kanggo dijupuk kaldune kang minangka bahan dhasar masakan Jepang, diwènèhake ing ndhuwur panganan kanggo panyedhep rasa, utawa digadho lan digawé lawuh bareng sega.

Kezuribushi (katsuobushi kang wis diserut)
Katsuobushi

Katsuobushi kang wis diserut tipis wernane coklat enom nganti jambon rada bening padatan didol ing plastik. Katsuobushi minangka panyedhep panganan padatan disawurake ing ndhuwur hiyayako (tahu adhem), okonomiyaki lan takoyaki. Katsuobushi kang wis diserut diarani kezuribushi.

Ngawétake iwak cakalang dadi katsuobushi umum dilakoni ing sapérangan nagara kaya Jepang lan kepuloan Maladewa. Teknik ngawétake iwak dadi katsuobushi wis dikenal ing Jepang wiwit sadurungé jaman Edo. Katsuobushi uga diarani iwak kayu jalaran iwak cakalang kang wis diolah dadi atos kaya kayu, dadi sadurungé dianggo masak kudu diserut nganggo ani-ani.

Iwak dibelah dai rong pérangan kanggo mbuwang balunge, dadi mung kari daging iwak kang wujudé kaya kapal diarani fushi (?). Daging iwak mau banjur diproses nganti dadi katsuobushi.

Pranala njaba besut