Denny Solang
Denny Solang (lair ing Jakarta, 12 Desember 1970; yuswa 49 taun) inggih punika tiyang ingkang mbangun salah satunggaling papan panggènan kagem tiyang ingkang gadhah gerah utawi sakit jiwa. Papan panggènan punika gadhah nama "Panti Réhabilitasi Méntal Aura Welas Asih" ingkang kawangun ing taun 2014. Panti punika dumunung wonten ing pinggiripun Gisik Pelabuhan Ratu, Kabupatèn Sukabumi, Jawa Barat.[1]
Pendhidhikan
besutDenny ing jaman kapungkur gadhah riwayat pendhidhikan inggih punika lulusan saking SMA Negeri 31 Jakarta (1986), banjur piyambakipun nglajengaken pendhidhikan S1 Hukum Univèrsitas Krisnadwipayana (1995).[1]
Panti Aura Welas Asih
besutSaking pandamelanipun minangka éksportir manéka asil alam, Denny sejatinipun gadhah pagesangan ingkang sampun saé utawi mapan. Ananging, piyambakipun boten nampi menawi mirsani kathah tiyang ingkang ngalami sakit jiwa ing Gisik Pelabuhan Ratu. Satemah, piyambakipun ndamel panti réhabilitasi méntal punika.[1] Panti Aura Welas Asih samenika dumunung ing satunggaling wangunan wekas sekolah ing Pelabuhan Ratu, Sukabumi.[2]
Wiwitipun, Denny mamang menawi badhé ndamel panti réhabilitasi méntal punika. Ananging saking panyengkuyungan para kaluwarga ugi, piyambakipun dados langkung kukuh lan mantep. Boten gampil anggénipun ndamel panti punika amargi inggih tamtu wonten alangan ingkang abentuk napa kémawon. Salah satunggaling alangan inggih menika panyuwunan pitulungan panyandhingan lan obat saking pamaréntah dhaérah ingkang dangu boten dipuntanggapi.[1]
Sesampunipun dangu anggénipun ngentosi, pitulungan dugi saking griya-sakit jiwa Dr. Marzoeki Mahdi, Bogor. Denny nampi obat-obatan gratis ugi rawat inap dhumateng para pasièn sakit jiwa Panti Aura Welas Asih. Pitulungan saking warga celak dalemipun inggih saged anggampilaken padamelan sosialipun Denny punika.[1]
Denny mbangun sapinten-pinten panggenan perawatan ing lahan sewiyar 1.600 meter pesagi menika, atusan tiyang ingkang gadhah sakit jiwa ngisi papan panggenan ingkang dipundamel wiwit saking semi permanen dumugi permanen.[3] Ing nginggilipun siti menika jumeneng tigang wangunan, wangunan ingkang kaping setunggal inggih punika papan panggenan pengajian lan rukiah, lajeng wangunan panjaga panti lan pawon, sarta setunggal wangunan kaisi tigang papan panggenan ingkang kaisi tiyang sakit jiwa.[4]
Piyambakipun nate nindakaken aksi amargi wangunan lan lahan panggenanipun ingkang wonten ing Kampung Cangehgar RT 02/RW 02, Kelurahan/Kecamatan Palabuhan Ratu dipunremukaken sedangunipun mbangun Ruang Terbuka Hijau (RTH) Pamaréntah Kabupatèn Sukabumi. Sedangunipun proses mbangun Ruang Terbuka Hijau (RTH), Denny lan atusan tiyang ingkang gadhah sakit jiwa manggèni wangunan wekas sekolah pelayaran ing Cipatuguran. Siti lan wangunan punika dipunbangun kanthi cara dipuncicil lan kanthi tahap-tahap saking taun 2010 dumugi taun 2016, menawi saking materi telas kinten-kinten Rp250 yuta.[3]
Panti punika boten tebih saking padesan, namung kaletan kinten-kinten setunggal kilometer. Para warga boten ngraos keganggu sinaosa wonten tiyang ingkang gadhah gangguan jiwa asring dugi dhateng padesan punika.[4] Wonten tigang tahap tiyang sakit ingkang wonten ing panti, panggènan kaping setunggal mliginipun kagem tiyang wadon, lajeng mligi kagem ingkang nembé kemawon dugi lan pungkasan ingkang tahap badhé mantun utawi saras. Menawi tahap ingkang badhé mantun punika dipunkaryakaken dening Denny, supados makebon wonten njawi panggènan panti.[4]
Rujukan
besut- ↑ a b c d e Ritonga, Wahyudi (2018-07-21). "Denny Solang Bekerja untuk Jiwa-Jiwa yang Hilang". Kompas.
- ↑ Pasi, Dian Syahputra (2018-08-03). "Denny Solang Meradang, Rubah Stigma Negatif ODGJ dengan Kata dan Julukan yang Lebih Manusiawi". Portal Berita Sukabumi. Dibukak ing 2019-05-12.
- ↑ a b Alamsyah, Syahdan (2018-07-31). "Unjuk Rasa, Penderita Gangguan Jiwa di Sukabumi Tagih Janji Relokasi". Detiknews. Dibukak ing 2019-05-12.
- ↑ a b c Alamsyah, Syahdan (2017-10-23). "Bantu Orang Gila, Deni Solang Bangun Sendiri Panti Rehabilitasi". Detiknews. Dibukak ing 2019-05-12.