Derventio

Derventio inggih punika kutha ingkang wonten ing provinsi Romawi ing Britania. Sapunika kondhang minangka Little Chester, ing pinggiran Derby, mapan wonten ing laladan Derbyshire, Inggris.

Pamukiman Romawi punika saking masa abad kaping 3. Derventio wonten ing sawingkingipun griya-griya punika.

Deskripsi

Bèntèng Romawi kapisan ing laladan punika dipunyasa ing sebrang Kali Derwent ing Strutts Park. Dipungantos ing taun 80 déning bètèng ingkang wonten sapunika lan namung kanggé kirang langkung sekawan dasa taun lajeng diputilaraken. Kala punika kathah kagiyatan Romawi wonten ing bètèng, ingkang kaubungaken dhateng sisih kilèn kaliyan Icknield Street lan dhateng sisih wétan lantaran margi tumuju ing Sawley ing Lèpèn Trent. Satunggaling bètèng tilaran ingkang damel gerabah lan manéka barang saking logam kapanggihaken 600 mèter sisih wétan saking Sawley Road. Benteng punika lajeng dipunpendhet lan dipun-ginakaken malih dumugi selangkung taun salajengipun. Gundukan pertahanan lan palisade dipundamel malih lan gerbang watu dipunyasa. Rumiyinipun dipuntilar lan boten dipun-ginakaken malih dumugi pungkasan abad kaping 3 nalika témbok watu dipunyasa wonten ing sakiwa tengenipun kutha.Punika boten dipun-ginakaken langkung dangu saking pungkasan abad kaping 4. Old Chester Road masa sapunika nyigar lokasi bètèng mau ing abad kaping 19 kanthi nugel jalur Midland Railway.

Sajarah

Kampanye perang Ostorius Scapula

Pérangan sajarah Britania punika naté dipunkuwaosi déning suku ingkang kawéntar kanthi nama Cornovii. Taun 46-47 Tentara Romawi ing sangandhaping pimpinan gubernur Aulius Plautius miturut prakiraan nguwaosi lemah punika dhateng pérangan kidul Lèpèn Trent, dados nalika taun 50 punika dados garis paling ngajeng. Sekedhik sanget dokumentasi sinerat ing taun punika ingkang dados sumbering informasi saking penggalian arkéologi. Ing pungkasan taun 47 gubernur énggal Britania Ostorius Scapula, wiwit merangi suku-suku kados ta ing Wales lan Dataran Cheshire. Ing masa mau Bèntèng Romawi Strutts Park punika salah satunggaling bètèng énggal ingkang nembé dipunyasa kanggé margi lantaran perbekalan saking Wroxeter dhateng Rossington. Kampanye perang kanggé nguwaosi Silures kalajengaken ing sangandhaping gubernur Quintus Veranius lan penerusipun Gaius Suetonius Paulinus nanging peran Strutt Park sapunika njagi kedamaian. Ing taun 74 lahan ing lèr Lepen Mersey dados labil, nalika Ratu Cartimandus kasuwun paring pambiyantu Romawi kanggé merangi pamberontakan. Lajeng ing taun 78, Gnaeus Julius Agricola ingkang kondhang amargi pepujian wonten ing biografi ingkang dipunserat mantunipun Tacitus dados gubernur. Piyambakipun ngatur malih bètèng-bètèng, ngleresaken infrastruktur margi lan kampanye perang ingkang dipundokumentasi kanthi saé paling wiwitan ing taun 78. Piyambakipun nguwaosi malih Wales Lèr, lajeng ing taun 79 piyambakipun nguwaosi Brigantes lan Parisii mendhet sadaya Inggris laladan utara dumugi watesan Sekotlan sapunika. Bèntèng Strutt Park dipunkosongaken taun 80 nalika Derventio dipunyasa.

Pranala njawi

• Derby City Council list of Scheduled Ancient Monuments Archived 2011-09-26 at archive.ph
• Little Chester / Chester Green Discover Derby
• Derventio Heritage Village Archived 2012-05-11 at the Wayback Machine. Discover Derby
• Derventio Coritanorvm Roman Britain
• Derventio Roman Fort Pastscapes, English Heritage