Direktorat Jenderal Kekuatan Pertahanan Kamentrian Pertahanan Indonesia

Direktorat Jenderal Kekuatan Pertahanan utawi ingkang sring dipuncekak Ditjen Kuathan inggih punika unit eselon I ingkang mapan wonten ing sak ngandhaping Kamentrian Pertahanan Republik Indonesi. Direktorat Jenderal Kekuatan Pertahanan gadhah tugas nindakaken rumusan kawicaksanan umum lan kawicaksanan pelaksanaan, saha nindakaken pembinaan kekiyatan komponèn kekiyatan pertahanan nagara, kanggé mujudaken tingkat kesiyapan optimal kanggé dipun-ginakaken nanggulangi saben ancaman ingkang wonten. Déné fungsi saking Direktorat Jenderal Kekuatan Pertahanan inggih punika kados makaten:

1. Nyamektakaken bahan masukan kanggé ngrumusaken kawicaksanan umum lan kawicaksanan pelaksanaan bab pembinaan kakuwatan komponèn kakuwatan pertahanan nagara
2. Netepaken kawicaksanan ing babagan pembinaan kekiyatan komponèn kuatan pertahanan nagara, saha mobilisasi lan demobilisasi
3. Pembinaan materiil pertahanan nagara ingkang nyangkup pembinaan administrasi, pembinaan pemeliharaan kalebet inventarisasi lan penghapusan materril kanthi wujud bekal, piranti peralatan, lan piranti utama dhedhasar peraturan perundang-undangan ingkang sampun dipuntemtokaken
4. Pembinaan fasilitas lan jasa pertahanan nagara ingkang ngambah pembinaan administrasi, inventarisasi, pemeliharaan, lan penghapusan materiil wonten ing wujud fasilitas lan jasa komunikasi elektronika, transportasi lan njagi dhedhasar peraturan perundhang-undhangan ingkang sampun dipuntemtokaken
5. Pembinaan sistem keséhatan nasional supados samangke manawi sampun wekdalipun saged dipuntrapaken dados sistem keséhatan pertahanan nagara dhedhasar peraturan perundhang-undhangan ingkang sampun dipuntemtokaken
6. Pembinaan administrasi materiil, fasilitas, lan jasa saha personil ing babagan keséhatan ingkang sampun dipunalokasikaken dhaten TNI.
7. Mbina ékan-ékan komponèn kekiyatan supados gadhah raos siyap ingkang optimal ingkang dipun-ginakaken kanggé nanggulangi ancaman ingkang wonten kados peraturan perundhang-undhangan ingkang sampun dipuntemtokaken
8. Ningkataken kaprigelan saben tiyang ingkang kalebet komponèn kekiyatan pertahanan nagara
9. Mbina administrasi veteran saha ngurus tandha jasa, gelar, lan tandha kehormatan kanggé personel komponèn kekiyatan pertahanan nagara dhedhasar peraturan perundhang-undhangan ingkang sampun dipuntemtokaken
10. Administrasi nyamektakaken tenaga manungsa kanggé kupaya mbentuk komponèn utama pertahanan nagara ingkang nglingkupi kampanye, seleksi, lan nyelu kanggé ndhèrèk pendhidhikan lan pelatihan ingkang kaping sapisan dhedhasar peraturan perundhang-undhangan ingkang sampun dipuntemtokaken
11. Koordinasi instansi ingkang wonten gayutanipun kados lingkup tugasipun
12. Paring bimbingan teknis, perjanjian, lan supervisi wonten ing pembinaan kakuwatan komponèn kakuwatan pertahanan nagara
13. Ngawasi lan ngendhalekaken lampahing pembinaan dhedhasar peraturan perundhang-undhangan ingkang sampun dipuntemtokaken
14. Analisis lan evaluasi asiling tindakan kawicaksanan kanggé mbina kekiyatan komponèn kekiyatan pertahanan nagara
15. Koordinasi staf, panyengkuyung tenis, administrasi lan rumah tangga Ditjen.

logo kanham

Struktur Organisasi

Direktorat Jenderal Kekuatan Pertahanan kapérang dados gangsal inggih punika:

• Sekretariat Direktorat Jenderal;
• Direktorat Sumber Daya Manusia;
• Direktorat Materiil;
• Direktorat Fasilitas dan Jasa;
• Direktorat Keséhatan;