Doadibadai Hollo

Doadibadai Hollo utawa Badai (lair ing Jakarta, Indonésia, 14 Januari 1978; umur 46 taun) ya iku musisi saka Indonésia uga kibordis saka grup band Kerispatih sarta project band-né, Brand New Storm.[1] Dhèwèké iku anak saka pasangan Alm.H.P.Hollo lan Ibu-Barnest Helena.[1] Badai iku anak bontot saka patang sadulur, ya iku dhèwèké dhéwé, Leo, Grace, lan Yohanna.[1]

Doadibadai Hollo
LairDoadibadai Hollo
Jeneng liyaBadai
PakaryanMusisi
Taun aktif2003 — saiki
Wong tuwaH.P. Hollo (alm)
Barnest Helena

Priya kang kondhang ing masarakat Indonésia dadi musisi, penulis lagu[2] lan arrangger iki duwé awak kang dhuwuré 165 cm lan abot 68 kg.[1] Dhèwèké seneng dolan-dolan lan dolanan musik. Badai bisa olèh inspirasi gedhé dhéwé kanggo ngripta tetembangan lan nglakoni kariré ing donya musik.[1]

Badai nglulusaké pendhidhikané ing Universitas Trisakti Jakarta, sawisé nglakoni jenjang-jenjang pendhidhikan sadurungé ing sekolah.[1] Kawit taun 1983 nganti taun 1993, dhèwèké sinau ing Sekolah Tarakanita, ing TK, SD, lan SMP.[1] Ing jaman SMAné dilakoni ing SMA PSKD I Jakarta, lan sawisé Badai mutusaké kanggo njupuk pendhidhikan tinggi ing jurusan Tèknik Mesin kang dilakoni déning dhèwèké ing taun 2000.[1]

Sawisé lulus pendhidhikan resmi, Badai nglakoni pendhidhikan ing babagan musik kaya ta apa kang disenengi déning dhèwèké ing Indonésia Music Institute, Jakarta Wétan kanggo Professional Program 2th, Faculty of Keyboards kwit taun 2000-2004.[1]

Ora mung pendhidhikan formal kang dilakoni déning dhèwèké, Badai uga asring mèluni kursus-kursus, kaya ta Yamaha Electone ing taun 1984-1985, Indra Lesmana Jazz Workshop, Jakarta nalika taun 1986-1990, uga Jazz Course with Khrisna Siregar, Chic’s Music Jakarta nalika taun 2002-2003.[1]

Karir besut

Priya kang ngaku wedi nunggang montor mabur lan émosian iki kondhang ing masarakat Indonésia sawisé kiprahé ing donya musik bebarengan karo Kerispatih, grup musik kang nggawé dhèwèké kondhang.[1] Ing grup band Krispatih, dhèwèké nyekel keyboard.[2] Jeneng kang karan-sebut dadi pentolan lan motor band iki, ora mung Sammy, sang vokalis, kang tau olèh kasus babagan narkoba.[1] Badai uga sempet ngantèkaké Sammy dadi vokalis sauntara Kerispatih.[1]

Nanging awal taun 2010, Badai ngaku manawa dhèwèké duwé niyat kanggo solo karir, kaya ta apa kang diniyati déning dhèwèké kawit taun 2008.[1] Ing taun Juni 2010, Badai nepungaké band anyaré Brandnewstorm kanthi personel Badai (keyboard), Arief (gitaris Kerispatih), Enwil (mantan vokalis band Aladin), Deva (mantan drummer band Pilot), Eltrino (bassis).[1]

Diskografi besut

Bebarengan karo Kerispatih besut

Bebarengan karo Brand New Storm besut

Cathetan sikil besut

  1. a b c d e f g h i j k l m n o Biografi Doabadai Hollo diundhuh tanggal 11 September 2011
  2. a b berita Doabadai Hollo diundhuh tanggal 11 September 2011