Ello
Marcello Tahitoe dikenal uga karo jeneng Ello (lair ing Jakarta, Indonésia, 20 Fèbruari 1983; umur 41 taun) ya iku penyanyi Indonésia, Ello anak paling kair saka pasangan musikus Minggus Tahitoe lan penyanyi Diana Nasution.[1] Debut album Mahasiswa Diploma Periklanan-FISIP UI (Universitas Indonésia) iki ngrilis album kang judhulé nganggo jenengé dhéwé nalika tanggal 28 Fèbruari taun 2005 lan lumebu ning deretan album paling laris.[1] Hit single kang judhulé Pergi Untuk Kembali tetembangan kang diciptakaké déning bapané wus nggawé angka pangadolan punjul 150 ewunan kopi, lan olih sertifikat Platinum.[1]
| Ello | |
|---|---|
 | |
| Latar wuri | |
| Lair | Fèbruari 20, 1983 Jakarta, Indonésia
|
| Taun aktif | 2005–saiki |
| Wong tuwa | Minggus Tahitoe lan Diana Nasution |
Eksistensi Ello tambah kuat nalika Anugerah Musik Indonésia (AMI) Award taun 2005 mènèhi rong panghargaan kanggo albumé lan dhèwèké, kategori Album paling apik lan Penyanyi anyaran kang paling apik.[1]
Sawisé wus tekung taun vakum, Ello bali manèh kanggo ngrilis album kang kaping loroné karo single andalané Masih Ada nalika awal tau 2009.[1] Dideleng saka segi musik, nuansa album kang kaping loro iki luwih ngarah marang tipe musik pop alternatif daripada albumé kang pisanan.[1]
Ning album kang kaping loro iki, meh kabèh tetembangané dhèwèké kang nyipta.[1] Ello uga duet karo penyanyi Astrid ning lagu kang judhulé Dusta Di Atas Cinta.[1]
Meski kagolong penyanyi anyaran, Ello wis wani nggelar konser.[1] Konseré iki diadakaké ning Hotèl Crown, Jakarta nalika tanggal 4 Fèbruari taun 2009.[1]
Ning kauripan pribadiné, Ello dikabaraké lagi cedhak karo ayu Julie Estelle kang uga mantansaka Moreno Soeprapto.[1]
Amarga wajahé kang ganteng lan pinter nyanyi iki, Ello sok dilirik déning rumah produksi kanggo mèlu main ning sinétron kang digawé déning rumah produksi mau.[2] Nanging Ello nolak tawaran kasebutm, amarga dhèwèké ngrasa ora duwé kapercayaan dhiri kanggo meluni donya akting.[2] Miturut Ello, syuting vidio klip karo syuting sinétron ora pada, tarutama babagan dialogé.[2] Tawaran kang tau diterima déning Ello awit taun 2005 mbiyen.[2] Manawa dhèwèké narima tawaran kanggo main akting, dhèwèké ora siyap manawa kudu nyingkiraké dunya musik kanggo ngurusi filmé.[2]