Endhog Paskah
Endhog Paskah ingkang dipundum nalika dinten riyaya Paskah sajatosipun boten kalebet tradhisi gréja utawi Kristen.[1] Wonten nagari Éropah wonten tradhisi kanggé ngrayakaken mangsa-mangsa.[1] Déwa mangsa Semi, ingkang namanipun "Eostre" punika déwa ingkang dipunsembah nalika karaméan "vernal equinox".[1] Nama déwa punika lajeng dipunanggé nama dinten Paskah inggih punika Easter wonten ing basa Inggris.[1] Mangsa semi punika ugi dados pratandha taun ingkang énggal ing nagara ingkang gadhah sekawan mangsa punika.[1] Nalika abad-abad ingkang sepindhahan, tradhisi punika boten saged dipunéwahi amargi dinten riyaya paskah punika limrahipun dipunrayakaken nalika mangsa semi.[1] Perayaan mangsa semi punika dipunpéngeti kanthi gumbira amargi ninggalaken mangsa dingin ingkang beku amargi boten wonten tetuwuhan ingkang tuwuh.[1] Mangsa dingin dianggep sepi saha mati.[1] Amargi kathah tetuwuhan ingkang sami tuwuh saha kathah sekar ingkang sami mekar, saha kaanan ingkang gumbira ndadosaken kaanan punika jumbuh kanggé maringi bebungah tumrap kanca saha sadulur.[1] Tradhisi mbagekaken endhog Paskah lajeng dipuntampi kaliyan gréja, punika amargi kanggé mengeti mangsa semi ugi amargi endhog Paskah punika nggambaraken kauripan utawi wiji ingkang mangke bakal tuwuh lan ngrembaka ing kauripan.[1] Endhog Paskah kathah ingkang dihias nganggé warna-warna. Werna abrit punika kanggé simbol rahipun Kristus déné warna ijo punika kanggé simbol tunas-tunas énggal ingkang wiwit tuwuh nalika mangsa semi.[2]
Cathetan suku
besut- ↑ a b c d e f g h i j paskah.sabda.org(dipunundhuh tanggal 16 September 2011)
- ↑ sejarah.kompasiana.com Archived 2011-04-29 at the Wayback Machine.(dipunundhuh tanggal 16 September 2011)
| Artikel iki minangka artikel rintisan. Kowé bisa ngéwangi Wikipédia ngembangaké. |