Abang
| Kothak iki nuduhaké warna abang. |
|---|
Abang utawa basa Jawa krama abrit, iku warna kang kagolong sajeroning warna primèr (abang, ijo lan biru), kang duwé frekuensi cahya paling endhèk kang kasatmata utawa bisa dideleng déning mata manungsa. Cahya abang duwé panjang gelombang watara 630-760 nm. Getih kang diwènèhi oksigèn dadi awarna abang amarga anané hemoglobin. Cahya abang iku cahya kang pisanan diserep déning banyu sagara, saéngga akèh iwak lan invèrtebrata sagara kang warna abang mbranang dadi katon ireng ing sajeroning sagara, habitat asliné.
Panggunaan, simbolisasi sadina-dina
besut- Abang iku warna kang anget, contoné panggunaan kanggo nuduhaké laladan kang luwih anget ing peta cuaca, utawa kanggo pepènget kang magepokan karo panas. Montor pemadam kobongan identik karo warna abang.
- Werna abang narik kawigatèn, lan sok dipigunakaké kanggo nuduhaké bebaya utawa kaanan darurat
- Abang iku warna kang nglambangaké panas lan geni. Kran kanggo banyu panas lumrahé diwènèhi tandha utawa label awarna abang.
- Werna abang nuduhaké makna mandheg, contoné ing rambu-rambu STOP, lampu lalu lintas (lampu abang), lampu rem ing buri montor.
- Palang Merah utawa Bulan Sabit Merah nandhakaké personalia mèdhis, fasilitas, utawa kalengkapan, utawa Konvensi Jenewa.
- Werna abang nuduhaké bebaya ekstrim utawa bebaya gedhé ing skala kodhe-warna donya Barat, contoné tanda bebaya utawa Sistem Kaamanan Nagara AS (en: Homeland Security Advisory System).
- Sajeroning ulah raga bal-balan, kartu abang nandhakaké pelanggaran abot kang ngakibataké pengusiran juru main.
- Sajeroning ulah raga balapan montor, gendéra abang iku tandha kanggo kabèh montor supaya mandheg. Redline (garis abang) ya iku karikatan maksimum mesin lan komponèn-komponèn liyané.
- Pintu darurat ing montor mabur penumpang dituduhaké mawa tandha lan lampu abang.
- Abang iku warna kanggo lambang tresna lair kalawan batin. Werna abang uga nuduhaké kaanan nesu, kaya rai kang mbrabak abang amarga nesu. Nanging warna abang uga nuduhaké rasa isin, upamané amarga digodha utawa digawé isin.
- Identik karo warna getih, mula abang digayutaké karo déwa perang, Mars, lan planit semu abang dadi sebutan kanggo planit Mars.
- Identifikasi Kuminisme lan "Sosialis" abang-kanthi gendéra abang dadi warna utama gendéra Uni Soviet lan bintang abang kang dadi emblem utawa lambang Kuminis kang digawa sajeroning frase Perang Dingin minangka "Ancaman Abang" (the Red Menace) lan Tiongkok Abang-kanggo mbédakaké karo Tiongkok Nasionalis.
- Dadi simbolisasi sajeroning budaya Tionghoa, abang iku warna kabagjan lan dadi warna kanggo busana pernikahan. Duwit sajeroning masarakat Tionghoa biyasa diwènèhaké sajeroning amplop abang (angpao)
- Mangsi abang, dianggo nuduhaké utang-uga rugi sajeroning lapuran neraca.
- Ing péta pulitik, warna abang kanthi tradisi digunakaké parté pulitik minangka:
- Australia: Parté Buruh Australia
- Kanada: Parté Buruh Kanada
- Jerman: Parté Sosial Dhémokrasi Jerman lan Parté Sosialis Dhémokrasi
- Walanda: Parté Sosialis
- Inggris: Parté Buruh
- Amérika Sarékat: Parté Républik, sebab iku kanggo sabanjuré praja-praja kang milih Parté Républik dianggep red states (praja abang) lan dadi lawané blue states (praja biru) kang milih Parté Dhémokrat (Democratic Party).
- Indonésia: PDI-Perjuangan
- Werna abang uga minangka salah siji warna utama sajeroning karaméan Natal, saliyané ijo lan putih.
Kombinasi warna abang (9)
besutWarna abang bisa dicampur karo warna liyané. Contoné warna abang kang dicampur karo warna biru dadi warna ungu, yèn dicampur karo warna kuning dadi warna jingga. Werna abang isih karinci manèh dadi sawatara (9) jinis, kanthi jeneng ing basa Inggris,ya iku kaya tabel ing ngisor iki:
| Werna | Jeneng HTML | Heksadesimal |
|---|---|---|
| IndianRed | #CD5C5C | |
| LightCoral | #F08080 | |
| Salmon | #FA8072 | |
| DarkSalmon | #E9967A | |
| LightSalmon | #FFA07A | |
| Crimson | #DC143C | |
| Red | #FF0000 | |
| FireBrick | #B22222 | |
| DarkRed | #8B0000 |
