Fushimi Inari Taisha
Fushimi Inari Taisha (伏見稲荷大社?) inggih punika kuil Shinto ingkang mapan wonten ing Fushimi-ku, Kyoto, Jepang. Kuil punika kalebet kuil pusat kanggé kirang langkung 40.000 kuil Inari ingkang mulyakaken Inari. Kuil utami (honden) mapan wonten ing kaki Gunung Inari, lan siti kagunganipun kuil punika kalebet gunung kanthi dhuwur 233 mèter [1].
Wonten ing kuil punika kamulyakaken Ukanomitama sareng kaliyan sisihanipun, Satahiko no Ōkami, Ōmiyanome no ōkami, Tanaka no ōkami, lan Shi no ōkami (四 大神?).[2] Inari dipunpitadosi minangka déwa pertanian, saéngga kuil punika dipunpitadosi mbeta berkah kanggé panen palawija, sukses ing perdagangan bisnis [3], lan kaslametan ing transportasi.
Kuil Fushimi Inari mlebet wonten ing peringkat kuil miturut Jinmyōchō (pratélan nama kuil) ingkang terbit sareng kaliyan Engishiki. Kajawi punika, kuil punika mapan wonten ing kelompok 7 kuil papan atas saking pratélan 22 kuil utami (Nijūnisha). Wonten ing sistem dangu peringkat kuil Shinto, kuil punika kalebet salah satunggal saking kampeisha (kuil resmi ingkang dipunparingi dana saking pamaréntah Jepang) [1].
Kuil utami ingkang wonten sapunika kabangun nalika taun 1499 bibar bangungan lawas kobongan nalika kadadosan Perang Ōnin. Aula utami kuil punika déning pamaréntah Jepang dados warisan budaya ingkang wigati. Wiwit saking abad kaping 17, ingkang ngenut kuil Fushimi Inari gadhah tradisi yasatorii. Kirang langkung 10.000 torii ingkang larik-larikan wonten ing Gunung Inari kalebet asil saking sumbangan para umat. Ing antawisipun Senbon torii (larikan sewu torii) sampun dados salah satunggaling objek pariwisata [1].
Sajarah
besut
Nalika taun 711, Hata no Iroku nampi dhawuh supados damel kuil kanggé sanza (papan mawi tiga Kami) ing Gunung Inari. Miturut literatur Nijūni shaki, tiga Kami mau inggih punika Ōmiyame no mikoto, Ukanomitama no mikoto, Sarutahiko no mikami.[2] Kisah ingkang sami ugi kaserat wonten ing cathetan sajarah (fudoki) Provinsi Yamashiro ingkang taksih wonten. Ing pérangan Jinmyōchō saking Engishiki, nama kuil punika kaserat minangka Inari Jinja Sanza (稲荷神社三座?).
Wonten ing taun 1871, dhedhasar sistem derajat kawigatosanipun kuil (Kindai shakaku seido), kuil punika dados kuil resmi (kampeisha), sarta nama kuil mau kanthi resmi dipun-gantos dados Inari Jinja utawi Kampei Taisha Inari Jinja. Bibar Perang Dunia II (1946), kuil punika wonten organisani keagamaan ingkang kedhaptar minangka badan hukum lan kapisah saking Asosiasi Kuil Shinto ingkang afiliasi kaliyan Ise Jingu. Nama kuil dipun-gantos dados Fushimi Inari Taisha lan taksih dipun-ginakaken dumugi sapunika.
Cathetan suku
besut- ↑ a b c Mengenal lebih jauh Kyoto[pranala mati permanèn], (dipunakses tanggal 7 Fèbruari 2013).
- ↑ a b "Inari Shinkō". Encyclopedia of Shinto. Establishment of a National Learning Institute for the Dissemination of Research on Shinto and Japanese Culture. Diarsip saka sing asli ing 2007-09-30.
- ↑ Fushimi Inari Taisha Archived 2016-03-05 at the Wayback Machine., (dipunakses tanggal 7 Fèbruari 2013).
Pranala njawi
besut- (ing basa Jepang) Situs resmi Fushimi Inari Taisha
- (ing basa Jepang) Mengenai kuil Inari