Geplak
Geplak yaiku jajanan khas kutha Bantul kang digawé saka parutan klapa lan gula pasir utawa gula jawa, kang rasané legi.[1] Ana uga kang ngarani geplak iku jajanan khas Betawi yèn ditambahi glepung beras lan godhong jeruk purut. Ana uga geplak kang digawé saka waluh.[2] Industri geplak lumrahé bisa ditemoni ing Bantul, Yogyakarta yaiku minangka indhustri rumah tangga. Nanging saiki geplak bisa ditemoni ing endi-endi. Geplak paling énak dipangan anget-anget. Biyén geplak dadi gantiné sega nalika usum paceklik.[3]
 Geplak | |
| Panggonan asal | Indonésia |
|---|---|
 Buku masakan: Geplak  Médhia: Geplak | |
Sajarah
besutNalika jaman penjajahan Walanda, Bantul misuwur kanthi akèh pabrik gula lan kebon tebuné.[3] Ana 6 pabrik gula ing Bantul lan akèh kebon tebu. Saka 6 pabrik ana siji kang isih nganti saiki yaiku pabrik Madukismo.[3] Gula tebu kang dikasilaké saka pabrik-pabrik mau dimanfaataké gawé panganan-panganan, salah sawijiné geplak.[3] Saliyané pabrik gula lan kebon tebu, Bantul uga misuwur klapané amarga panggonané kang ana ing pasisir.[3]
Kaunggulan
besutKaunggulan geplak yaiku rasané kang super legi, nanging leginé ora sembarang legi, leginé legi gurih klapa.[3] Bahan-bahan kanggo gawé geplak uga gampang digolèki, kaya ta klapa kang ésih enom, glepung beras ketan, godhong pandhan, gula pasir utawa gula jawa, banyu, uyah lan panili.[3] Geplak mung disuguhaké rong warna, yaiku putih klawu lan semu coklat.[3] Nanging saiki geplak bisa tinemu pirang-pirang warna lan rasa, sanajan kaya mangkono bahan-bahan kanggo gawé geplak tetep alami lan ora ngandhut bahan kang bebayani.[3] Rasa geplak kang warna-warna kaya ta kacang, stroberi, jeruk, lan sapituruté saka bahan alami kabéh.[3] Gizi kang ana ing geplak uga akèh.[3] Kadelok saka panalitén pihak Universitas Gajah Mada (UGM), saben-saben 100 gram ngandhut karbohidrat 74 gram, lemak 14 gram, banyu 10 gram, protéin 10 gram, lan kalori 2 gram.[3]
Rujukan
besut- ↑ MG Retno Setyowati, "Kabupatén Bantul", Litbang Departemen Keséhatan, Selasa, 20 Februari 2001[pranala mati permanèn]
- ↑ "Geplak Waluh", Kronik Unika Soegijapranata, Edisi 35-36, 17 Desember 2004[pranala mati permanèn].
- ↑ a b c d e f g h i j k l "Archive copy". Diarsip saka sing asli ing 2011-08-15. Dibukak ing 2011-09-05.
{{cite web}}: CS1 maint: archived copy as title (link)