Gunung Maras
Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Gunung Maras inggih punika gunung ingkang mapan ing dhusun Rambang Kacamatan Riau Silip, Kabupatèn Bangka sakitar 70 km saking kutha Sungailiat utawa 33 km saking kutha Belinyu. Gunung punika salah satunggaling aset wisata ingkang cekap narik kawigatosan pangunjungipun, napa malih kanggé para paremen lintas alam kados ta hiking, kémah saha minggah gunung. Alamipun éndah, wit-witan wana ingkang cekap lebat nambah daya tarik piyambak.[1] Rikala énjing, pangunjung saged mirsani srengéngé terbit ing sela-sela ron, wondéne rikala sonten pangunjung saged mirsani srengéngé kelem sesarengan mirsani éndahing sesawangan sabin. Supados pangunjung saged nikmati kaéndahan alam kanthi tenang, kaprayogakaken kanggé bekta bekal pangan piyambak amargi wonten ing ngriku boten wonten fasilitas kanggé pangunjung.
| Gunung Maras | |
|---|---|
| Èlevasi | 699 metres (2,293 ft) |
Kaistimewaan
besutGunung Maras minangka satunggaling gunung ingkang wonten ing pulau bangka nawakaken kaéndahan alam, kados ta: kaanan alam ingkang éndah sarta nyegeraken. Rikala siyang, pangunjung boten kena panasing srengéngé amargi dipuntutupi kaliyan ron wit-witan ing wana, rikala dalu, kaéndahan saged dipuntingali kanthi kaanan ing tawang, lintangipun katingal saking sela-sela wit-witan ingkang nambah dalu langkung éndah.[2] Wonten ing suku bukit Maras wonten air terjun ingkang boten gadhah asma, air terjun punika boten naté garing toyanipun. Biyasanipun pandhaki ingkang ajeng mlampah ing Gunung maras mampir rumiyin ing air terjun punika kanggé kéndel sakedhap.[3]
Akses
besutJarak antawisipun Gunung Maras kaliyan kutha Sungailiat sakitar 70 km saha saking kutha Belinyu sakitar 33 km.[2] Saking kutha Sungailiat tumuju Gunung Maras, pangunjung saged ngginakaken angkudan umum kados ta bis utawa angkudan désa sanèsipun, nanging angkudan punika boten ngantos dumugi ing papan wisata, pramila kaprayogakaken kanggé bekta kandharaan piyambak utawa nitih ojeg saking Belinyu, nanging manawi ajeng minggah ngantos puncaking gunung kedah mlampah amargi marginipun sempit saha boten saged dipunlampahi mobil utawi montor.[3] Manawi ajeng tindak dhateng gunung Maras, langkung saénipun mundhut margi ingkang ngléwati sungai Perimping. Ing sungai punika wonten kalih kreteg paninggalan Walanda ingkang dipunyasa taun 1929 kanggé nggandhengaken kutha Belinyu saha Muntuk. Kreteg punika namung saged dipunlangkungi satunggal jalur kemawon, ing sampingipun kreteg punika wonten kreteg ingkang langkung ageng ugi bénten sanget kaliyan kreteg satunggalipun.[3]
Regi tiket
besutPangunjung boten dipunpungut biyaya tiket.[2]
Cathetan suku
besut- ↑ Papan Gunung Maras Archived 2012-07-11 at the Wayback Machine. (dipununduh 24 Novèmber 2012)
- ↑ a b c Data panunjang Archived 2012-07-12 at the Wayback Machine. (dipununduh 24 Novèmber 2012)
- ↑ a b c Kaitimewaan Wisata Gunung Maras Archived 2013-08-12 at the Wayback Machine. (dipununduh 24 Novèmber 2012)
Pranala njaba
besutPranala njaba
besut- Pemkab Bangka Archived 2012-11-20 at the Wayback Machine.
| Artikel iki minangka artikel rintisan. Kowé bisa ngéwangi Wikipédia ngembangaké. |