Gunung Semèru

Gunung Semèru utawa Sumèru iku gunung geni dhuwur dhéwé ing Pulo Jawa. Pucuké ingaran Mahamèru lan dhuwuré 3.676 mèter saka lumahing sagara (msls). Kawah ing pucuké Semèru kaloka kanthi jeneng Jonggring Salaka. Semèru duwé laladan alas dipterokarp gumuk, alas dipterokarp dhuwur, alas pagunungan, lan alas Erica. Pernahé gunung iki ana ing antarané Kabupatèn Malang lan Kabupatèn Lumajang, kanthi titik géografis antarané 8°06' Ujur Kidul lan 120°55' Alang Wétan.

Semèru
Semèru ing taun 1985.
Titik dhuwur dhéwé
Èlevasi	3.676 m (12.06 ft)
Prominèn	3.676 m (12.06 ft)  Urut 45
Isolasi	390.92 kilometres (242.91 mi)
Pratélan	Ultra Ribu
Koordhinat	8°6′28.8″S 112°55′12.0″E
Géografi
Semèru Jawa, Indonésia
Géologi
Jinisé gunung	Stratovolkano
Panjeblug pungkasan	1967 sapréné
Panjatan
Panjatan pisanan	Ora kawruhan
Rute gampang dhéwé	Tumpang

Ing taun 1913 lan 1946, Kawah Jonggring Salaka ana kubahé, saéngga dhuwuré gunung 3.744,8 msls nganti pungkasané Novèmber 1973. Ing sisih kidulé, kubah iki njebol pinggiré kawah sing njalari iliné lava tumuju pèrèng kidul sing ngener laladan Pranajiwa lan Candhipura ing Lumajang.

Manjat gunung

Perlu wektu watara patang dina saperlu mangkat mulih manjat gunung iki. Manjat gunung iki bisa liwat Kutha Malang utawa Lumajang.

Rute

Rute saka Malang menyang Gunung Semèru:

1. Malang-Tumpang 18 km
2. Tumpang-Gubugklakah (Pos Pandhaftaran)
3. Gubugklakah-Ranu Pani (Kémah pokok)
4. Ranu Pani-Watu Rejeng
5. Watu Rejeng-Ranu Kumbala
6. Ranu Kumbala-Ara-ara Amba
7. Ara-ara Amba-Cemara Kandhang
8. Cemara Kandhang-Kalimati
9. Kalimati-Arcapada
10. Arcapada-Pucuk Semèru

Rute saka Lumajang menyang Gunung Semèru:

1. Lumajang-Sendura
2. Sendura-Burna
3. Burna-Ranu Pani (2.200 mèter)
4. Ranu Pani-Watu Rejeng
5. Watu Rejeng-Ranu Kumbala (2.400 mèter)
6. Ranu Kumbala-Kalimati (2.700 mèter)
7. Kalimati-Arcapada (2.900 mèter)
8. Arcapada-Pucuk Semèru (3.676 mèter)

Gas racun

Ing pucuké Gunung Semèru (Pucuk Mahamèru) ora diéntukaké lunga menyang Kawah Jonggring Salaka uga dilarang manjat saka sisih kidul amarga ana gas racun lan ilèn wlahar.

Pranala njaba

• Gunung semeru di Archived 2016-04-04 at the Wayback Machine. dephut.go.id
• Gambar Satelit melalui Google Maps
• Semeru