Guwa Chauvet

Guwa Chauvet ya iku guwa arkéologis kang dumunung ing Lembah Ardeche, Prancis Kidul-Wétan.^[1] Guwa iki tinemu ing wulan Dhésèmber taun 1994 déning spéléologis (pangumbara guwa) telu cacahé kang jenengé Christian Hillaire, Eliette Brunel-Deschamps lan Jean-Marie Chauvet kang nemu lawang guwa ing ngisor lemah.^[1]^[2] Jeneng guwa mau banjur diarani salah sijiné anggota penjelajah ya iku Jean-Marie Chauvet.^[1] Guwa iki guwa kang gedhé dhéwé ing wewengkon mau lan wigati banget tumrap panalitèn arkéologi amarga dadi situs 300 lukisan, ukiran lan artefak balung kéwan kaya ta beruang paleolitikum, jejak sikil lan sisa perapian manungsa prasajarah.^[1]

Adhedhasar analisis étungan radio karbon, artefak-artefak balung mau asalé saka 30.000 SM.^[1] Lukisan-lukisan kang ana ing guwa nggambaraké kéwan-kéwan kaya ta warak, singa, kucing alas gedhé dan mammoth.^[1] Ana 34 gambar lukisan mammoth saka 22 diukir ing watu lan 13 dilukis ing lumahing gebyog.^[1]

Salah siji pérangan serambi diarani Panel Singa, kang ndarbèni gambar pirang-pirang hewan kang ngebaki lorong.^[1] Lukisan-lukisan iki kira-kira dilukis antarané 25.000 SM-17.000 SM.^[1] Kéwan-kéwan mau ing antarané singa gedhé kang cacahé 2 lan uga ana kang luwih cilik, sarta warak-warak.^[1] Lukisan iki duwé bayangan, mligi ing pérangan dhuwur.^[1] Ing ngisor singa ana jejak-jejak pigmen abang lan garis dhasar kangngambarake rusa.^[1] Kira-kira lukisan kang warna dasare abang luwih disik diciptakake.^[1]

Koordhinat: 44°21′00″N 4°29′24″E / 44.35000°N 4.49000°E / 44.35000; 4.49000

Pranala njaba

Cathetan suku

↑ ^a ^b ^c ^d ^e ^f ^g ^h ⁱ ^j ^k ^l ^m Adams, Laurie Schneider (2001). A History of Western Art. McGraw-Hill. ISBN 0-07-231717-5.
↑ The Chauvet Cave, experienceardeche. Diaksès tanggal 21 Mèi 2010.

[satu-1] ↑ ^a ^b ^c ^d ^e ^f ^g ^h ⁱ ^j ^k ^l ^m Adams, Laurie Schneider (2001). A History of Western Art. McGraw-Hill. ISBN 0-07-231717-5.

[2] The Chauvet Cave, experienceardeche. Diaksès tanggal 21 Mèi 2010.

[1]

[2]