Habib Rizieq
Habib Rizieq iku salah siji tokohé wong muslim kang dadi ketuwa umum FPI. Habib Rizieq masrahake uripé ana ing barisan paling ngarep kanggo Amar Ma’ruf Nahi Munkar. Habib Rizieq ora seneng manawa ana panggonan kaya café lan diskotik kang dodol minuman keras. Habib Rizieq uga nuntut majalah Playboy (majalah) kareben ora metu ing Indonesia kang mayoritas muslim. Aktivitase éntuk atur sapala postif saka umat kang uga ora seneng karo kang ngarepake simbol-simbol sekuler, nanging uga éntuk tantangan saka kalangan kang pro liberalisme. FPI dianggep dadi preman amarga asring gawé rerusuh.
| Al-Habib Muhammad Rizieq bin Husein Shihab | |
|---|---|
 Habib Rizieq (bersorban putih) | |
| Lair | Agustus 24, 1965 Jakarta |
| Bangsa | Indonésia |
| Jeneng liya | Habib Rizieq |
| Pakaryan | Ketua Umum FPI |
| Bojo | Syarifah Fadlun binti Yahya |
Kulawarga besut
Habib Rizieq duwé jeneng dawa Al Habib Muhammad Rizieq Syihab. Dhèwèké lair ing Jakarta, 24 Agustus 1965 saka pasangan Habib Husein Syihab (almarhum) lan Syarifah Sidah Alatas. Habib duwé garwa kang jenenge Fadlun Yahy] lan putra-putrane ya iku Rufaidah Syihab, Humaira Syihab, Zulfa Syihab, Najwa Syihab, Muntaz Syihab, Fairuz Syihab, Zahra Syihab.
Karier besut
- Kepala sekolah Madrasah Aliyah Jamiat Kheir, Jakarta
- Dewan Saréngat BPRS At-Taqwa, Tangerang
- Pimpinan/pembina majelis ta’lim ing Jabotabek
- Ketua Umum Front Pembela Islam (FPI)
- Alamat Omah: Dalan Petamburan III/83, Tanahabang, Jakarta Pusat 10260
- Alamat Kantor: Dalan Petamburan III/17, Tanahabang, Jakarta Pusat 10260.
Biografi besut
Habib Rizieq asalé dudu saka pesantren. Nanging sakawit umur patang taun dhèwèké wis sregep ngaji ing masjid-masjid. Ibuke kerja dadi tukang jahit klambi lan ngrias manten, banget nggatekake pendhidhikane Habib Rizieq.
Sawisé lulus SD, Habib Rizieq lumebu SMP Pejompongan, Jakarta Pusat. Nanging adohe sekolahan karo omah ing Petamburan, uga ing Jakarta Pusat adoh. Mula dhèwèké dipindhahke ing sekolah kang luwih cedhak, SMP Kristen Bethel Petamburan. Lulus SMA, Habib Rizieq nerusaké ing King Saud University, Arab Saudi, rampung patang taun kanthi predikat cum-laude. Habib Rizieq naté kuliyah S2 ing Malaysia, nanging mung setaun.
Habib Rizieq yasa Front Pembela Islam (FPI) tanggal 17 Agustus 1998. FPI dikenal kawit ana tragedi Ketapang, Jakarta, 22 November 1998, sakiwa-tengené 200 massa FPI bentrok karo atusan preman. Bentrokan jalaran suku, agama, ras, antargolongan iki ndadèkaké omah warga lan omah ngibadah kebakar sarta ana kang tiwas.
Sawisé tragedi World Trade Center, Habib Rizieq karo anggota FPI asring kampanye anti-Amérika lan ngecim serangan Amérika marang Afghanistan. FPI uga asring ngraziz panggonan-panggonan hiburan.[1]
Pendhidhikan besut
- SDN 1 Petamburan, Jakarta (1975)
- SMP 40 Pejompongan, Jakarta
- SMP Kristen Bethel Petamburan, Jakarta (1979)
- SMAN 4, Gambir, Jakarta
- SMA Islamic Village, Tangerang (1982)
- Jurusan Studi Agama Islam (Fikih dan Ushul) King Saud University (S1), Riyadh, Arab Saudi (1990)
- Studi Islam, Universitas Antar-Bangsa (S2), Malaysia.[2]
Latar Organisasi besut
Habib Rizieq duwé latar organisasi ya iku saka Anggota Jamiat Kheir, sawijining organisasi tradhisional ing kalangan Arab Indonesia.
Bapak saka Habib Rizieq Shihab ya iku Husein Shihab besut
Pimpinan Pandu Arab Indonesia ya iku Husein Shihab, bapake Habib Rizieq Shihab. Awal 1950-an, Husein Shihab wis ngumpulake nom-noman Arab kanggo ngabdi marang nagara saka babagan kepanduan.
Bapake, Husein Shihab, uga trampil mimpin lan mènèhi pengarahan marang nom-noman kang kagabung sajeroning Pandu Arab Indonesia.
Bapake luwih seneng nganggo jas lan dasi, nanging Habib Rizieq asring nganggo jubah lan sorban. Rupane Rizieq uga meh padha karo rupa almarhum bapake.
Cathetan suku besut
- ↑ Masalah sitiran: Tenger
<ref>ora trep; ora ana tèks tumrap refs kanthi jenenginternet 2 - ↑ nasional.kompas.com Habib Rizieq (diaksés tanggal 7 Agustus 2011)