Wikipédia

Heinrich Böll

(Kaelih saka Heinrich Theodor Böll)

Heinrich Theodor Böll (21 Dhésèmber 1917 wonten ing Koln – 16 Juli 1985 wonten ing Langenbroich, sisih kidul laladan Bonn) inggih punika salah satunggaling penulis Jerman lan pamenang Bebungah Nobel Sastra nalika taun1972.[1]

Barkas:Bundésarchiv B 145 Bild-F062164-0004, Bonn, Heinrich Böll.jpg
Heinrich Theodor Böll
Heinrich Böll, 1981

Pagesangan

besut

Böll miyos wonten ing Koln. Kulawarganipun minangka panganut Katulik ingkang tangat lan dados juru damai. Piyambakipun sekolah wiwit saking taun 1922 dumugi taun 1937. Sasampunipun abituripun, piyambakipun miwiti pelatihan dados pedagang buku.

Böll boten kagabung kaliyan Hitler Jugend, saéngga piyambakipun kedah kagabung ing salabeting bala Jerman nalika Perang Donya II. Nalika taun 1939 piyambakipun wiwit sinau sastra Jerman wonten ing laladan Köln, nanging kapedhot amargi dinas militèr.

Nalika taun 1945 Böll dados tahanan perang Amérika Sarékat. Tiyang—tiyang Amérika Sarékat kepéngin ndhidhik tiyang Jerman supados demokratis. Saéngga tiyang Amérika sami nyengkuyung supados tahana saking Jerman saged ngembangaken bakat nyerat. Böll kaliyan sapérangan panulis eném sanèsipun damel group 47.

Böll nyerat kathah sastra kanthi nuansa kritik sosial. Tema utamanipun inggih punika panindhasan déning kekiyatan Katulik konservatif lan prakawis Nazi ingkang boten kapecahaken wonten ing masarakat.

Nalika taun 1970-an piyambakipun maringi kritik icalipun hukum perdata akibat perang nglawan terorisme (Faksi Tentara Merah, kelompok teroris pulitik sayap kiri wonten ing taun 1970-an ing Jerman Barat). Kanggé alesan punika, Bild-Zeitung, ariwarta pers kuning agresif lan konservatif miwiti kampanye saperlu nentang babagan punika.[2]

Wonten ing pungkasaning taun 1970-an Böll wiwit madosi HAM wonten ing Blok Timur, papan kanca-kancanipun dumunung. Böll mbiyantu disiden Soviet Alexander Solshenizyn lan Lev Kopelev.

Nalika taun 1980-an Böll makara saperlu damel obahan perdamaian lan mrotes piranti perang nuklir wonten ing Jerman Barat.[3]

Böll wangsul malih dhateng Gréja Katulik Roma, ingkang dipuntilar taun 1976 amargi protes, sadéréngipun tilar donya.

Yayasan Heinrich Böll

besut

Parté Hijau Jerman maringi nama yayasannipun Böll, Heinrich-Böll-Stiftung. Ancasipun yayasan punika inggih kerja sama internasional, nyengkuyung pamikiran 'demokratis', hukum perdata, lan pamikiran ékologi.[4]

Bibloigrafi kapilih

besut
  • Der Zug war pünktlich (Kreta Punika Pas Wekdal), 1949
  • Das Vermächtnis (Peninggalan Tentara), dipunserat 1948-1949; terbit 1981
  • Wanderer, kommst du nach Spa (Tiyang Asing, Miyosaken Tembung kanggé Bangsa Sparta), 1950
  • Die schwarzen Schafe (Domba Cemeng), 1951
  • Nicht nur zur Weihnachtszeit (Natal Boten Namung Sepisan Setaun), 1951
  • Wo warst du, Adam? (Lan Wonten ing Pundi Panjenengan, Adam?), 1951
  • Der Engel schwieg (Malaékat Méndel), dipunserat 1949-1951; terbit 1992
  • Und sagte kein einziges Wort (Lan Boten Naté Ngucapaken Tembung), 1953
  • Haus ohne Hüter (Griya Tanpa Pengawal), 1954
  • Das Brot der frühen Jahre (Roti Awal Taun Punika), 1955
  • Irisches Tagebuch (Jurnal Irlandia), 1957
  • Die Spurlosen (Tiyang Ical), 1957
  • Dhoktor Murkes gesammeltes Schweigen (kaweningan Kakumpul Dhokter Murke), 1958
  • Billard um halb zehn (Biliar Jam Sanga Langkung Sepalih), 1959
  • Ein Schluck Erde, 1962
  • Ansichten eines Clowns (Badhut), 1963
  • Entfernung von der Truppe (Absen Tanpa Ninggalaken), 1964
  • Ende einer Dienstfahrt (Pungkasan Sawijining Misi), 1966
  • Gruppenbild mit Dame (Potret Kelompok kaliyan Wanita), 1971
  • Die verlorene Ehre der Katharina Blum (Pakurmatan ingkang Ical saking Katharina Blum), 1974
  • Fürsorgliche Belagerung (Jaringan Aman), 1979
  • Was soll aus dem Jungen bloss werden?, 1981
  • Vermintes Gelände, 1982
  • Die Verwundung (Kurban Kacilakan), kisah awal, terbit 1983
  • Frauen vor Flusslandschaft (Wanita ing Sesawangan Kali), 1985 (terbit kanthi anumerta)


  • Bernd Balzer: Das literarische Werk Heinrich Bölls. Kommentare und Interpretationen. dtv, München 1997. ISBN 3-423-30650-5
  • Werner Bellmann (Ed.): Das Werk Heinrich Bölls. Bibliographie mit Studien zum Frühwerk. Westdeutscher Verlag, Opladen 1995. ISBN 3-531-12694-6
  • Werner Bellmann (Ed.): Heinrich Böll, Romane und Erzählungen. Interpretationen. Reclam, Stuttgart 2000. ISBN 3-15-017514-3
  • Michael Butler (Ed.): The Narrative Fiction of Heinrich Böll. Social conscience and literary achievement. Cambridge 1994.
  • J.H. Reid: Heinrich Böll. A German for His Time. Berg Publishers Ltd., Oxford 1988.
  • Klaus Schröter: Heinrich Böll. Rowohlt-Verlag, Reinbek 1987. ISBN 3-499-50310-7
  • Jochen Vogt: Heinrich Böll. 2. Aufl. Beck-Verlag, München 1987. ISBN 3-406-31780-4
  • Heinrich Vormweg: Der andere Deutsche. Heinrich Böll. Eine Biographie. Kiepenheuer & Witsch, Köln 2002. ISBN 3-462-02938-X

Cathetan suku

besut
  1. ↑ http://www.nobelprize.org/nobel_prizes/literature/laureates/1972/boll-autobio.html
  2. ↑ http://www.nobelprize.org/nobel_prizes/literature/laureates/1972/
  3. ↑ "Archive copy". Diarsip saka sing asli ing 2015-04-26. Dibukak ing 2013-01-29.{{cite web}}: CS1 maint: archived copy as title (link)
  4. ↑ http://www.boell.org/

Pranala njaba

besut
Dijupuk saka "https://jv.wikipedia.org/w/index.php?title=Heinrich_Böll&oldid=1675210"