Himeji
Himeji (姫路市 Himeji-shi?) inggih punika kutha ing Jepang ingkang mapan wonten ing Pulo Honshu, sisih kilèn tlatah Kansai, pérangan barat daya Prefektur Hyogo. Kutha Himeji mulanipun kutha ingkang mekar ing underaning Astana Himeji. Kutha Himeji punika kutha inti ingkang ngurusi piyambak babagan pérangan tartamtu kados ta kasejahtraan, karesikan, lan pambangunan kutha. Nalika tanggal 27 Maret 2006, kutha Himeji dados langkung wiyar amargi gabung kaliyan sapérangan kutha ingkang wonten ing sakiwa tengenipun. Ing kutha Himeji wonten kathah lembaga arta jinis Shinkin Bank (信用金庫 shinyō kinko?) ingkang nampi simpenan lan nyaluraken krèdit antar nasabah. Ing sajeroning kutha Himeji wonten kantor pusat Himeji Shinyō Kinko, Banshū Shinyō Kinko, lan Hyōgo Shinyō Kinko.
Géografi
besutKutha Himeji punika mapan wonten ing tengahing Dataran Harima, mliginipun wonten ing sisih kilèn Prefektur Hyogo. Ing pérangan wétan kutha mili Lèpèn Ichi, déné wonten ing tengahing kutha wonten Lèpèn Senba, lan Lèpèen Noda. Wonten ing sisih kilèn mili Lèpèn Yumesaki sarta Sungai Ōtsuma, lan Lèpèn Ibo wonten ing pinggir pérangan kilèn. Sedata ilining toya muaranipun tumuju ing kidul ing tlatah sagara ingkang dipunsebat Harima-nada. Wonten ing tengahing kutha wonten Astana Himeji ingkang jumeneng ing sanginggiling gunung Hime. Ing pérangan lèr wonten Gunung Hiromine lan Gunung Masui, déné ing pérangan kilèn wonten Gunung Shosha. Jalur kereta Shinkansen, Jalur utama Sanyo, lan Jalan Raya Nasional angka 2 nyigar kutha saking kilèn mangétan. Iklim ing kutha Himeji dipunpengaruhi iklim Laut Pedalaman Seto kanthi sakedhik curah jawah lan suhu nalika énjing ing mangsa adhem punika andhap sanget.
Papan pariwisata
besut- Astana Himeji (Warisan Donya UNESCO) [1][2]
- Kuil Shoshazan (Engyōji)
- Kuil sekte Tendai ing pucuking Gunung Shosha, papanipun filem The Last Samurai
- Taman tradhisional Jepang Koko-en
- Taman safari Himeji Central Park
Festival
besut- Yukata Matsuri (22-24 Juni)
- Sakakibara Masamine punika ngajak dhumateng para penduduk supados mirsani karaméan mangsa panas ing lingkungan Astana Himeji supados ngagem Yukata saéngga dipunsebat Yukata Matsuri.
- Oshiro-matsuri ing Astana Himeji (wiiwtan wulan Agustus)
- Festival Mangsa Gugur Banshu ingkang dipunwontenaken gabungan kuil Shinto ing kutha Himeji
- Nada no Kenka Matsuri (14-15 Oktober)
- Festival lentera Chōchin Matsuri (21-22 Oktober)
Cathetan suku
besut- ↑ [repository.usu.ac.id/bitstream/123456789/29057/5/Abstract.pdf Pura Himeji], (dipunakses tanggal 5 Maret 2013)
- ↑ Istana Himeji di Jepang Archived 2013-10-30 at the Wayback Machine., (dipunakses tanggal 5 Maret 2013)
Pranala njawi
besut| Wikimedia Commons duwé médhia ngenani Himeji, Hyogo. |
- (ing basa Jepang) Situs web pamaréntah kota Himeji
- Situs web pariwisata Archived 2009-02-13 at the Wayback Machine.