Hishimochi (菱餅?) ya iku mochi lapis telu kang wujudé belah kupat, warnane jambon, putih, lan ijo. Kuweh iki minangka panganan istimewa kanggo Hinamatsuri saben tanggal 3 Maret ing Jepang. Saliyané dipajang bareng bonékah, hisimochi dipangan sawisé dipanggang dhisik.

Hishimochi

Kuweh iki racaké kasusun saka telung lapis, nanging digawé dadi 5 nganti 7 warna ing sapérangan papan panggonan ing Jepang. Werna kuweh iki minangka pralambang kaendahan ing wiwitan mangsa semi nalika suket enom wiwit thukul ing ngisor turahan salju kang mbanyu, déné wit persik wiwit ngembang.[1] Hishimochi kang dikenal saiki asalé saka model hisimochi kang digawé wong nalika jaman Edo.

Tegesé warna hisimochi besut

  • Abang, pralambang kembang persik kang dipercaya bisa nolak bala. Werna abang ing roti iki saka kembang kacapiring kang dipercaya bisa nambani racun, nolak bala, lan minangka pakurmatan mring leluhur.
  • Putih, pralambang kasucen lan turahan salju. Lapisan warna putih dicampur karo wiji tuwuhan hishi kang dipercaya bisa mudhunake tekanan darah.
  • Werna ijo dadi pralambang kasarasan lan dawa umuré, sarta suket enom kang padatan dianggo ing Jepang iku asalé saka hahakogusa (translasi literal: suket ibu-anak). Tuwuhan suket ibu-anak kang dialusake dipercaya kurang nggawa kabegjan, dadi warna ijo ing hisimochi dijupuk saka godhong yomogi kang dialusake.

Cathetan suku besut

  1. "Hina Matsuri Girl's Festival Learn about the festival and beautiful hina dolls". Pamaréntah Metropolitan Tokyo. Diarsip saka sing asli ing 2008-02-28. Dibukak ing 28 Fèbruari 2008.