Hiu sirip ireng
Hiu sirip ireng ya iku salah sawijining kéwan hiu kang urip ing sagara. Iwak iki minangka kulawarga saka Carcharhinidae. Hiu iki duwéni jeneng élmiyah Carcharhinus melanopterus. Ana ing basa liyané ya iku cá mâp vây den (Vietnam), chalarm hoo-dum (Thailand), requin à pointes noires, requin noir lan requin pointes noires (Prancis), swartvin-rifhaai (Afrika), tiburón de puntas negras (Spanyol) , tsuma guro utawa tsumaguro (Jepang). Ana ing basa Inggris, hiu iku ditepungi kanthi jeneng Blacktip reef shark. Kéwan iki jenengi mangkono amaga pancen nduwéni slèrèt ireng ing siripé. Iwak iki gedhéné bisa nganti 3 mètér lan boboté 30-50 kilogram. Iwak iki mangan iwak cilik (teleost), krustaséa, cephalopoda lan moluska.
| Blacktip reef shark | |
|---|---|
| |
Klasifikasi ngèlmiah 
| |
| Unrecognized taxon (fix): | Carcharhinus |
| Spésies: | Template:Taxonomy/CarcharhinusC. melanopterus |
| Jeneng binomial | |
| Carcharhinus melanopterus (Quoy & Gaimard, 1824) | |
| |
| Range of the blacktip reef shark | |
| Sinonim | |
|
Carcharias elegans Ehrenberg, 1871 | |
Peranganing awak utawa morfologi
besut- Hiu sirip ireng duwèni werna soklat ing dorsalé lan werna putih ing bageyan ngisor.
- Duwé loro sirip ing geger.
- Duwé untu kang lancip. Gunggungé untu iki kurang luwih 23-28 ing rahang dhuwur lan 21-27 ing rahang ngisor.
- Wujud awaké kaya torpedo supaya cepet anggoné nglangi
- Duwé sak pasang sirip dhadha
- Endhasé moncong kanggo nggampangaké nglangi.
- Ing pucuking sirip duwé werna ireng.
Papan urip
besutHiu sirip ireng urip ana ing dhaérah terumbu karang kanthi kajeroan kang cethèk antawis 2 nganti 10 mèter ing sajroning samodra.[2] Iwak iki uga asring dolan ing tlatah kang cedhak dharatan amung kacèk pirang sentimèter saka watesé banyu. Hiu iki nglangi ing tlatah masir ananging ana uga kang ditemoni ing alas bakau lan banyu payau. Iwak iki asring ditemoni ing samodra kanthi iklim tropis lan sub tropis ing donya. Hiu iki urip dhéwé (solitér) utawa sak pepanthan cilik. Iwak iki minangka kéwan vivipar ya iku kéwan sing manak. Gunggungé anak kang dibabaraké kurang luwih 1-10 saben taun.[3]
Hiu sirip ireng kasebar ing pesisir laut cethek ing samodra Hindia lan Pasifik. Wiwit saka afrika kidul, Madagaskar, Semenanjung Arab, Indhia, Maladéwa, Asia wetan kidul, Australia lor lan kepuloan Pasifik.[4]
Piguna
besutHiu Blacktip iki ditangkep dining nalayan kanggo dijupuk siripé, daging lan minyak atiné. Pèrangan iawak iku dipangan dening manungsa. Sakliyané iku Hiu iki bisa di ingu mawa isèn-isèn akuwariyum lan pariwisata selam.[5]
Status Konservasi
besutStatus konservasi Hiu sirip ireng iki dianggep "amèh kaancem" kanthi kritèria spesiès saka "International Union for Conservation of Nature and Natural Resources" utawa disingkat IUCN. Panangkepan iwak iki saengga gunggungé ing laut sansaya setithik.[6]
Réferènsi
besut- ↑ Heupel, M. (2009). "Carcharhinus melanopterus". IUCN Red List of Threatened Species. IUCN. 2009: e.T39375A10219032. doi:10.2305/IUCN.UK.2009-2.RLTS.T39375A10219032.en.[pranala mati permanèn]
- ↑ LPSPL Sorong (2018-05-22). "Blacktip Reef Shark, Terancam Punah?". LOKA PENGELOLAAN SD PESISIR & LAUT SORONG. Diarsip saka asliné 2019-11-15. Dibukak ing 2019-12-11.
{{cite web}}: CS1 maint: bot: original URL status unknown (link) - ↑ "8 Fun Facts about Blacktip Reef Sharks". Dibukak ing 2019-12-31.
- ↑ "Facts About The Blacktip Reef Shark". Dibukak ing 2019-12-31.
- ↑ Shannon Corrigan, Gavin Naylor (2018-08-01). "Carcharhinus melanopterus – Discover Fishes - Florida Museum". Florida Museum. Dibukak ing 2019-12-31.
- ↑ "Blacktip Reef Shark". Dibukak ing 2019-12-31.