Horison (kalawarti)
Horison ya iku kalawarta nasional Indonésia sing mligi macak irah-irahan sastra Indonésia.[1] Kalawarta iki sepisanan babar ing sasi Juli 1966 ana Jakarta.[1] Kalawarta iki didhegaké Mochtar Lubis, P. K. Ojong, Zaini, Arief Budiman, lan Taufiq Ismail.[1] Pangrembakan sastra Indonesia bisa didheleng lumantar kalawarta iki.[1] Kawit sasi November 1996, Horison nambahi panggon apresiasi sastra kanggo siswa SMU, Madrasah Aliyah, lan Pesantren, kang dijenengi Kakilangit.[1][2] Saliyané kuwi, kawit taun 1999, Horison uga nampilaké lembaran Mastera saben telu (3) sasi kang ngemot karya sastra saka telu (3) nagara ASEAN.[2]
,_Juli_1966.png)
Ing taun-taun purwané, kalawarta iki isih akèh ngemot karya sastra kang sinambungan karo kaanan pulitik wektu kuwi, kaya ta sajak-sajak demonstran lan karya-karya kang nentang zalimé kakuwasan otoritèr Orde Lawas.[3] Nanging, lebar kuwi, thukul panganggit anyar kang akèh ing antarané asal saka perguruan tinggi, saéngga corak tulisan luwih angarah ing niyat panganyar.[3] Nganti taun 1974-1975, Horison kebak karo karya avant garde kang digarap Sutardji Calzoum Bachri, Putu Wijaya, Danarto, Ikranegara, Sides Sudyarto.[3] Lebar kuwi, saya sethithik wong-wong kuwi metu, saèngga saya santer isu mrosoté mutu kalawarta kuwi.[3]
Tahun 1966-1975, kalawarta iki ngalami jaman emas, amarga dadi siji-sijiné kalawarta sastra kang duwé wibawa.[3] Angger karangan diemot ing kalawarta iki, kaya-kaya banjur diaku sastrawan.[3] Kanthi cara mangkono, Horison sajatiné nampung thukulé générasi anyar angkatan sastra. Nanging, ing taun 1980-an, kalawarta iki wis ditinggal para penganggit iku.[3] Horison dadi fénoména anyar sastra Indonesia, amarga bisa urip nganti saiki lan isih nudhuhaké daya kanggo urip luwih suwé manèh.[3] Kalawarta kaya ngono lumrahé mung mampu urip siji (1) tekané papat (4) taun.[3]
Kalawarti Horison wiwit mandheg terbit awujud cithak tanggal 26 Juli 2016.[4][5] Ganti rupa dadi kalawarti jroring (online).[4] Miturut Taufiq Ismail, béaya penerbitan cithak gedhé banget, uga maklumaké pangalihé cithak dadi jroring ora mung kedadèn ana Indonesia, nanging ana saindenging donya.[4]
Horison Online wis disiapaké kawit 2010 déning akadhemisi sastra Melayu, Amin Sweeney.[4][5] Pemimpin rédhaksiné saiki ya iku Sastri Sunarti.[4]
Cathetan sikil
besut- ↑ a b c d e Dr. Dendy Sugono, èd. (2003). Ensiklopedia Sastra Indonesia Modern. Bandung: Remaja Rosdakarya Offset. kc. 131-133. ISBN 979-692-283-5.
- ↑ a b "Majalah Horison". Dibukak ing 22 March 2016.
- ↑ a b c d e f g h i "Horison". Diarsip saka sing asli ing 3 August 2017. Dibukak ing 12 March 2016.
- ↑ a b c d e Ismail, Mustafa (27 July 2016). "Majalah Sastra Horison Beralih ke Online". Tempo.co. Dibukak ing 12 August 2016.
- ↑ a b Risqi, Hasanul (26 July 2016). "Majalah Sastra Horison Mulai Berhenti Naik Cetak". Republika.co.id. Dibukak ing 12 August 2016.
Pranala njaba
besut| Wikimedia Commons duwé médhia ngenani Majalah Horison. |