Iskander Mirza

Iskander Mirza (Basa Urdu: اسکندر مرزا), lair; 13 November 1899 – tilar donya; 13 November 1969) njabat minangka Présidhèn pisanan Pakistan (1956-1958). Panjenengané uga tau njabat minangka Gubernur Jendral kaping 4 Pakistan sadurungé kalungguhan iku digantèkaké karo kalungguhan présidhèn.

Iskander Mirza
Présidhèn Pakistan pisanan
Linggih 23 Maret 1956 – 27 Oktober 1958
Kang sadurungé	Ghulam Muhammad minangka Gubernur Jendral Pakistan
Kang sawisé	Ayub Khan
Rerincèn dhiri
Lair	13 November 1899
Pati	13 November 1969
Bangsa	Pakistan

Iskander Mirza dilairaké ing Murshidabad, Bengal taun 1899 lan digedhèkaké ing Mumbai. Sawisé ngrampungaké pendhidhikan dhasaré, panjenengané nerusaké studiné ing Akademi Militèr Karajan ing Sandhurst, lan dadi lulusan pisanan sing asalé saka anak bawana India ing sekolah iku. Panjenengané banjur ditugasi sajeroning dhines Tentara India Britania taun 1920. Mirza mung dhines suwéné enem taun ing katentaraan, lan sawisé iku panjenengané dadi wong India pisanan sing ditampa ing Dhines Pulitik India sing elit, lan akiré njabat minangka sekretaris bebarengan ing Kamentrian Pertahanan India Britania. Ing posisi iki panjenengané duwé tanggung jawab marang pembagéyan Tentara India Britania dadi Tentara Pakistan lan Tentara India.

Nalika Pakistan kadhapur, Mirza diangkat minangka Mantri Pertahanan saka nagara sing anyar iku, lan ndadèkaké punggawa nagari Muslim mawa kalungguhan paling dhuwur ing India wektu iku. Nalika taun 1954 panjenengané diangkat minangka gubernur Pakistan Wétan kanggo nentremaké tlatah sing ngalami pagolakan pulitik wektu iku. Posisi iki banjur diterusaké kanthi pangangkatané minangka Mantri Dalam Negri lan Wilayah Wewatesan sajeroning kabinèt PM Bogra. Nalika taun 1955 panjenengané dadi Pejabat Gubernur Jendral, lan banjur dadi Gubernur Jendral pungkasan Pakistan. Iskander Mirza uga dadi panganjur gedhé skema Saunit lan percaya marang pamisahan antarané nagara lan nagara.

Nalika taun 1956, Pakistan nyusun konstitusiné sing pisanan, lan posisi Gubernur Jendral digantèkaké déning kalungguhan Présidhèn. Kaloroné sajatiné padha waé, nanging Mirza resmi dipilih minangka Présidhèn déning Majelis. Nalika mangèsa kaprésidhènané, Pakistan kanthi pulitik ora stabil, lan perèkara iki ditengeri déning anané papat nayakotama sing béda ing wektu rong taun.

Nalika taun 1958, amarga sadhar yèn Konstitusi 1956 njalari ora stabilé pulitik, Mirza mbiwara ditindakaké undhang-undhang kaanan darurat tanggal 7 Oktober, kanthi maksud kanggo nepungaké konstitusi anyar "sing luwih cocog karo sipat rakyat Pakistan" nalika wulan November. Panjenengané ngangkat Panglima Angkatan Darat Pakistan, Ayub Khan minangka administratur kaanan darurat. Tindakan iki menthung walik kanthi rikat amarga Ayub Khan meksa Mirza kanggo ngunduraké dhiri ing sajeroning wektu telung minggu sawisé ditindakaké undhang-undhang darurat lan nyingkiraké dhateng Inggris. Ayub Khan ngangkat awaké dhéwé minangka Présidhèn tanggal 27 Oktober sawisé kudhéta sing ora mawè getih.

Mirza mapan ing pangasingan ing London tekan patiné taun 1969. Sawisé papréntahan militèr Yahya Khan nulak ngidinaké disarèkaké ing negarané dhéwé, dhisiné digawa nganggo montor mabur dhateng Teheran lan ing kana Shah Iran mènèhi upacara panyaréyan kanagaran sing layak kanggo sawijining kepala nagara.

Kang sadurungé Ghulam Muhammad	Gubernur Jendral Pakistan 1955–1956	Kang sawisé —
Kang sadurungé —	Présidhèn Pakistan 23 Maret 1956 - 27 Oktober 1958	Kang sawisé Ayub Khan