Jefri Al Buchori
Jeffry Al Buchori duwé jeneng kondhang Uje, iku sawijining pendakwah utawa ustad kang tampil kanthi basa dakwah nganggo basa bocah nom, saéngga kerep diundhang ustad gaul. Uje uga kerep dakwah nganggo tembang-tembang Islami.[1]
| Jeffry Al-Buchori | |
|---|---|
 Jeffry Al Buchori | |
| Lair | 12 April 1973 Jakarta |
| Pati | April 26, 2013 (umur 40) Jakarta |
| Bangsa | Indonésia |
| Jeneng liya | Uje |
| Pakaryan | Pensesorah, penyanyi salawat |
| Bojo | Pipik Dian Irawati |
| Anak | Adiba Khanza Az-Zahra Mohammad Abidzar Al-Ghifari Ayla Azuhro |
| Wong tuwa | H. Ismail Modal Dra. Hj. Tatu Mulyana |
Kulawarga
besutUje ya iku garwa saka Pipik Dian Irawati kang saiki ngrembakakake usaha butik. Uje katemu Pipik Dian Irawati, sawijining modhel gadhis sampul majalah Aneka taun 1995 saka Semarang, Jawa Tengah. Nalika iku, Uje isih dadi penganggo narkoba, nanging ora ngalangi Pipik kang sedya dikawini kanthi siri tanggal 7 September 1999.[2]
Anak-anaké ya iku Adiba Khanza Az-Zahra, Mohammad Abidzar Al-Ghifari, lan Ayla Azuhro.[3]
Lair
besutJeffry Al Buchori lair ing Jakarta, 12 April 1973. Jefri anak ketelu saka limang sadulur pasangan Alm.H. Ismail Modal lan Ustz Dra. Hj. Tatu Mulyana.[4]
Pendhidhikan
besutUje sakawit cilik wis éntuk pendhidhikan Islam kang kuat. Bab iki kabuktèn nalika lungguh ing SD kelas 3-5 éntuk prestasi MTQ (Musabaqah Tilawatil Qur’an) tekan tingkat provinsi. Sawisé lulus SD, bareng kakange sakloron, Alm. Ust. H. Abdullah Riyad lan Ust. H. Aswan Faisal, sekolah ing Pondok Pesantren Daar el-Qolam Gintung, Jayanti Tangerang.[4]
Sasuwene ing pesantren, Uje kagolong nakal. Nalika kanca-kancane salat, dhèwèké meneng-meneng turu utawa minggat saka pesantren kanggo dolan lan nonton ing biyoskup. Pungkasane Uje ditokake saka pesantren mau kang wis 4 taun dilakoni saka 6 taun kang kudu dilakoni. Sawisé iku, Uje dipindahake ing Madrasah Aliyah (MA, setingkat SMA) nanging nakale malah sansaya tambah.[5]
Apamaneh sawisé lulus taun 1990 lan kuliah ing akademi broadcasting, kenakalane Uje ora suda. Dhèwèké kekancan karo penganggo narkoba lan kerep dugem. Pungkasane Uje ora ngrampungi kuliahe. Taun 1991, Uje naté dadi dancer ing sawijining club. Uje uga kerep nongkrong ing Institut Kesenian Jakarta. Nalika para juru main sinétron lagi latiyan, kadhang-kadhang Uje ngganteni salah sijiné. Dhèwèké mèlu casting lan éntuk peran. Salah sijiné sinétron kang tau dibintangi ya iku Pendekar Halilintar. Uje uga tau dinobatake dadi pemeran priya paling apik sajeroning Sepekan Sinetron Remaja kang dianakake TVRI taun 1991.[6]
Sedulur
besutUst Jefri duwé kakang sing pembarep ya iku Alm. Ust. H. Abdullah Riyad, keloro Ust. H. Aswan Faisal, adi kepapat H. Decky Fajar, lan kelima Ustz Hj. Nona.[2]
Tilar donya
besutJefry al Buchori tilar donya tanggal 26 April 2013 amarga kacilakan montor.
Cathetan suku
besut- ↑ vanmovic.com Archived 2016-03-05 at the Wayback Machine. Jeffry Al Buchori (diaksés tanggal 6 Agustus 2011)
- ↑ a b biografi.rumus.web.id[pranala mati permanèn] Jeffry Al Buchori (diaksés tanggal 6 Agustus 2011)
- ↑ selebriti.kapanlagi.com Jeffry Al Buchori (diaksés tanggal 6 Agustus 2011)
- ↑ a b gadogadomusik.com Archived 2011-08-07 at the Wayback Machine. Jeffry Al Buchori (diaksés tanggal 6 Agustus 2011)
- ↑ www.beritaselebriti.com Archived 2011-06-06 at the Wayback Machine. Jeffry Al Buchori (diaksés tanggal 6 Agustus 2011)
- ↑ scriptintermedia.com Archived 2016-03-04 at the Wayback Machine. Jeffry Al Buchori (diaksés tanggal 6 Agustus 2011)