John Winston Howard
John Winston Howard (lair ing Sydney, Ostrali, 26 Juli 1939; umur 85 taun)[1] inggih punika Mahamantri Australia wiwit tanggal 11 Maret 1996 dumugi tanggal 3 Dhésèmber 2007. Piyambakipun minangka mahamantri ingkang paling dangu angka 2 wonten ing Australia sasampunipun Sir Robert Menzies. Howard ugi minangka pamimpin Parté Liberal wiwit taun 1995 dumugi 2007. Piyambakipun asor wonten ing pemilu 2007 ingkang dipunadani tanggal 24 November saéngga kedah masrahaken jabatanipun.
| The Honourable John Winston Howard | |
| |
| Mangsa jabatan Maret 1996 – 3 Dhésèmber 2007 | |
| Deputi | Tim Fischer (1996-99) John Anderson (1999-2005) Mark Vaile (2005-2007) |
|---|---|
| Didhisiki déning | Paul Keating |
| Diganti déning | Kevin Rudd |
| Miyos | 26 Juli 1939 Sydney, Ostrali
|
| Partai pulitik | Liberal |
| Garwa | Janette Howard |
Latar belakang
besutHoward miyos wonten ing Sydney[2] lan ndhérék sekolah wonten ing Earlwood Primary and Canterbury Boys’ High. Piyambakipun nglajengaken dhateng Universitas Sydney lan lulus Sarjana Hukum rikala taun 1961. Piyambakipun ageng wonten ing wewengkon Earlwood, sawijining wewengkon kelas tengah ingkang warganipun sapérangan ageng minangka keturunan Anglo-Saxon. Bapakiipun gadhah bengkel mobil lan pikantuk kasil ingkang cekap. Piyambakipun ageng tanpa kathah sesambetan kaliyan masarakat imigran Australia punapa déné ingkang miskin.
Nalika John Howard ngrembaka wonten ng Australia taun 1940-1950, permusuhan antawising kelompok gréja Katholik lan Protèstan kadadosan. Ingkang nganut agama Katolik inggih punika tiyang Australia keturunan Irlandia lan njurung Irlandia wonten ing konflik Irlandia-Inggris. Nalika wekdal punika kelas tengah Australia sapérangan ageng minangka ingkang nganut agama Protèstan. Kelas pekerja lan ingkang miskin sapérangan ageng ingkang nganut agama Katulik.
Kanggé kulawarga Howard, pagesangan sosialipun kapusat wonten ing Gréja Methodist Earlwood. Howard rawuh saking kulawarga ingkang pro-Protèstan lan boten remen sanget kaliyan kelompok Katulik. Mona ingkang konservatif sanget anganing ngatingalaken toleransi dhateng pihak kuminis éwadéné boten sarujuk kaliyan paham mau. Éwadéné makaten, toleransi boten ngantos dumugi dhateng tiyanng Katholik. Kados kathah-kathahing wanita Protèstan wekdal punika ingkang sipatipun kathah prasangka (prejudice).
Howard minangka putra ragil lan tiyang ingkang gadhah prabawa ageng wonten ing gesangipun inggih punika Mona (ibunipun). Prabawa Mona dominan sanget wonten ing pagesanganipun, langkung katingal malih rikala piyambakipun nembé 16 taun, lan bapakipun séda.
Karier pulitik
besut
Piyambakipun aktif kaliyan Parté Liberal wiwit umur 18 taun nalika ndhérék Gerakan Liberal Muda lan ndhérék wonten ing mahasiswa pulitik wonten ing perguruan tinggi. Nalika Juli 1962, piyambakipun katampi minangka Jaksa Agung Muda Mahkamah Agung New South Wales. Sadéréng pamilihanipun dhateng Parlemen, piyambakipun minangka satunggaling tiyang rekanan wonten ing sawijining parusahan pendanaan wonten ing Sydney.
John Howard dados tiyang angka 25 ingkang nyepeng kalungguhan Mahamantri wiwit kabentukipun Federasi Australia[3]. Punika nyusul kamenangan pamilihan Federal ingkang nemtokaken rikala tanggal 2 Maret 1996. Piyambakipun makili wewengkon pamilihan fédheral Bennelong ing pinggiran kutha barat laut lan sampun kapilih minangka anggota parlemen Bennelong saben pamilihan fédheral wiwit 1974.
Piyambakipun dados mahamantri kanthi pengalaman inggil lan wiyar wonten ing pamaréntahan lan oposisi. Piyambakipun kapilih minangka Mantri Urusan Bisnis lan Konsumen taun 1975 kanthi yuswa 36 taun, lajeng njabat minangka Mantri Negosiasi Perdagangan Spesial lan minangka Bendaharawan Persemakmuran langkung saking 5 taun.
Wonten ing September 1985, piyambakipun njabat Wakil Pemimpin ingkang dipunpilih koleganipun minangka Pemimpin Parté Liberal Parlementer lan Pemimpin Oposisi dumugi Mèi 1989. Piyambakipun wangsul dhateng kepemimpinan kaliyan swanten ingkang bulet koleganipun nalika tanggal 30 Januari 1995. Ing masa sawatawis, piyambakipun njabat minangka juru wicara Koalisi kanggé sajumlah kalungguhan senior.[4]
Kapilih minangka kapisanan dados mahamantri kanggé taun 1996, piyambakipun kapilih malih wonten ing pemilu 1998, 2001, lan 2004.[5] Piyambakipun maju malih wonten ing pemilu taun 2007 nanging asor déning Parté Buruh. Howard piyambak ugi asor wonten ing wewengkon pamilihanipun, Bennelong.
Cathetan suku
besut- ↑ http://www.amazon.com/John-Winston-Howard-The-Biography/dp/052285334X
- ↑ http://global.britannica.com/EBchecked/topic/273451/John-Winston-Howard
- ↑ http://www.pm.gov.au/
- ↑ "Archive copy". Diarsip saka sing asli ing 2013-01-22. Dibukak ing 2013-02-24.
{{cite web}}: CS1 maint: archived copy as title (link) - ↑ http://static.moadoph.gov.au/ophgovau/médhia/images/apmc/docs/25-Howard-Web.pdf
- Biografi di situs resmi PM Australia Archived 2005-06-14 at the Wayback Machine.
| Sadurungé: Paul Keating |
Mahamantri Ostrali 1996—2007 |
Sawisé: Kevin Rudd |