Tuduhaké menu pokok

Kali Puja utawi Shyama Puja inggih punika fèstival kanggé muja dèwi Kali wonten ing agama Hindhu. Fèstival punika dipunrayakaken wonten ing dinten kapisanan wulan Ashwin.[1] Fèstival punika sesarengan kaliyan dinten Lakshmi Puja saking Diwali wonten ing India. Déné kathah tiyang India sami muja dèwi Lakshmi, tiyang Bengali, Oriyas lan Assamese malahan sami muja dèwi Kali [1]

Kali Puja
Goddess Kali déning Piyal Kundu1.jpg
Dipèngeti Hindhu Bengali
Jinis Hindhu Bengali
Karaméan kembang api
Pèngetan Doa, ritual keagamaan
Tanggal katemtokaken déning kalender bulan
Tanggal ing 2019 date missing (please add)

Isi

SajarahBesut

Fèstival Kali Puja sanès minangka ritual kuna. Fèstival punika nembé dipunkenal sasampuning abad kaping 18, nanging tèks keagamaan Kalika mangalkavya saking abad kaping 17 déning Balram nyebutaken bab wontenipun sawijining fèstival taunan kanggé dewi Kali.[2] Kali Puja ingkang kapisanan dipunkenalaken wonten ing Bengali nalika abad kaping 18 déning raja Krishnachandra saking Navadvipa.[1] Kali Puja dados populèr wonten ing abad kaping 19. Nalika semanten wayah saking Krishanachandra, Ishvarchandra, lan para èlit Bengali ndhèrèk ngawontenaken Kali Puja kanthi acara ingkang ageng.[3] Sesarengan kaliyan Durga Puja, sapunika Kali Puja minangka fèstival dèwi paling ageng wonten ing wewengkon Bangladesh.[4]

PamujanBesut

Wonten ing Kali Puja (kados ugi wonten ing Durga Puja) tiyang-tiyang sami nyembah dèwi Kali wonten ing griyanipun piyambak wonten ing wujud patung lemah lempung ingkang dipundunungaken wonten ing pandal (papan suci utawi paviliun ingkang kabika). Dèwi Kali dipunsembah nalika dalu kanthi ritual Tantra lan mantra-mantra. Persembahan ingkang katujokaken dhateng dèwi antawisipun kembang sepatu abrit, getih kéwan wonten ing cumplung, manisan, sekul lan kacang lentil, sarta iwak lan daging. Para pamujanipun nindakaken méditasi wiwit saking dalu dumugi énjing.[5] Wonten ugi tradisi Brahmanica nalika patung Kali dipundandani wonten ing wujudipun minangka Adya Shakti Kali.[6] Wonten ing dinten Kali Puja, dipuntindakaken pengorbanan kéwan kanggé sang dèwi.[1] Sawijining karaméan Kali Puja wonten ing Kolkata dipunadani wonten ing papan pembakaran mayit ingkang wiyar,[7] ingkang dipunpitadosi minagka papan dunungipun dèwi Kali.

 
Sawijining pandal ing Kolkata kanggé dèwi Kalighat Kali.

Pandal ugi minangka papan kanggé patung dèwa Siwa (garwanipun Kali), sarta Ramakrishna lan Bamakhepa, (2 pamuja Kali ingkang medal wonten ing cariyos mitologi). Déné Mahavidya inggih punika sawijining kelompok ingkang kasusun saking sedasa dèwi Tantra kanthi mustaka dèwi Kali.[8] Tiyang-tiyang sami ngrawuhi pandal-pandal sadanguning dalu. Kali Puja ugi minangka wekdal kanggé pertunjukan sulap, téater, lan kembang pai.[6] Wonten ugi tradisi énggal kanggé ngunjuk anggur wonten ing dinten Kali Puja.[9]

KuilBesut

Wonten ing kuil Kalighat ing Kolkata, nalika dinten Kali Puja, dèwi Kali dipunsembah minangka Lakshmi, nggambaraken èsénsi Vaishnava Haldars wonten ing pamujan Kali. Kuil mau dipunkunjungi éwunan tiyang nalika dinten Kali Puja. Tiyang-tiyang punika ugi nindakaken persembahan kéwan kanggé dèwi Kali.[1][7] Kuil Kali sanèsipun ingkang misuwur inggih punika kuil Dakshineswar Kali ing Kolkata. Panyembah Kali ingkang kawéntar, Ramakrishna, naté dados pendéta wonten ing kuil punika lan boten kadadosan kathah vwah-éwahan wonten ing bab prosési perayaanipun wiwit jaman rumiyin.[10]

Cathetan sukuBesut

  1. a b c d e McDermott and Kripal hlm.72
  2. McDermott hlm. 373
  3. McDermott hlmn. 173
  4. McDaniel hlm. 223
  5. McDaniel hlm. 234
  6. a b McDaniel hlm. 249-50, 54
  7. a b Fuller hlm. 86
  8. Kinsley hlm.18
  9. Harding hlm. 134
  10. Harding hlm. 125-6

RujukanBesut

  • Encountering Kālī: in the margins, at the center, in the West olèh Rachel Fell McDermott, Jeffrey John Kripal [1]
  • Offering flowers, feeding skulls: popular goddess worship in West Bengal olèh June McDaniel [2]
  • Kali: the black goddess of Dakshineswar olèh Elizabeth U. Harding [3]
  • Mother of my heart, daughter of my dreams olèh Rachel Fell McDermott [4]
  • Tantric visions of the divine feminine: the ten mahāvidyās olèh David R. Kinsley [5]
  • The camphor flame: popular Hinduism and society in India olèh Christopher John Fuller [6]