Kapuloan Raja Ampat
Kapuloan Raja Ampat inggih punika gugusan sekawan pulo ingkang dunungipun wonten ing sanginggilipun mustaka Pulo Papua, pasipun ing Provinsi Papua Kilèn.[1] Kapuloan Raja Ampat pinitados minangka taman laut paling ageng ing Indonésia.[1] Wonten ugi ingkang pinitados manawi kapuloan punika gadhah biota laut paling ageng sadonya.[1][2] Kapuloan punika kalebet asil pamekaran saking Kabupatèn sorong wiwit taun 2003.[3] Kabupatèn kanthi kang ndunungi ingkang wonten 31.000 jiwa cacahipun punika gadhah 610 pulo kanthi sekawan pulo ingkang paling ageng inggih punika pulo Misool, Salawati, Batanta, lan Waigeo.[3] Saking 610 pulo kasebat, namung 36 pulo ingkang gadhah kang ndunungi.[3] Kanthi 46.000 km2, namung 6.000 km2 ingkang wujud dharatan, lan 40.000 km2 wujud sagara.[3] Kapuloan Raja Ampat wonten ing wewengkon segitiga koral donya, inggih punika Filipina, Indonésia, lan Papua Nugini.[1] Pesagitiga koral punika minangka jantung terumbu karang donya ingkang dipunjagi dhedhasar konservasi panjagian ngalam internasional.[1] Wewengkon punika gadhah kirang langkung 1.300 spésiès ulam, 600 jinis terumbu karang, sarta 700 jinis kerang, lan manéka warni biota seganten sanèsipun.[1] Kapuloan Raja Ampat miturut administrasipun mlebet Kabupatèn Raja Ampat.[1] Kabupatèn Raja Ampat piyambak punika kabupatèn énggal asil pamekaran saking Kabupatèn Sorong.[1] Kapuloan Raja Ampat dados papan pariwisata ingkang éndah, mliginipun tumrap para wisatawan ingkang gadhah karemenan ngelem ing sangandhaping seganten.[1][4] Sekawan gugusan pulo ingkang kalebet pulo ageng ing kabupatèn punika, inggih punika Pulo Waigéo, Pulo Misool, Pulo Salawati, lan Pulo Batanta.[4] Kacathet Kapuloan Raja Ampat gadhah 1320 jinis ulam lan 540 jinis karang.[2] Wonten 16 jinis paus lan lumba-lumba ingkang sampun kacathet, wonten ugi duyung, penyu sarta reptilia laut sanèsipun.[2] Kéwan-kéwan punika gesang ing habitat ingkang manéka warni kados pasisir pasir pethak, watu-watu, mangrove, teluk ingkang ketutup ngantos selat sempit kanthi arus toya ingkang kiyat.[2] Kondhisi kados punika ingkang ndadosaken manéka warni kéwan ing wewengkon Kapuloan Raja Ampat.[2]
Sajarah
besutSajarah wiwit wontenipun amsa Raja Ampat punika satunggalipun cariyos duk ing nguni wonten priyantun éstri ingkang manggihi tigan cacahipun pitu.[1][4] Ing antawisipun pitung tigan punika, sekawan tigan netes awujud pangéran.[1][4] Sekawan pangéran punika misah lan dados raja ing sekawan pulo, saéngga salajengipun sekawan pulo punika dipunparingi asma Raja Ampat.[1][4] Kapuloan punika dados tujuan para panyelem ingkang narik kawigaten amargi kaèndahan ngandhap sagaranipun.[4] Sekawan pulo punika inggih punika pulo ingkang paling ageng inggih punika Pilo Waigeo, Pulo Misool, Pulo Salawati, lan Pulo Batanta.[4] Kapuloan punika dados salah satunggalipun saking sedasa perairan ingkang saé piyambak kanggé ulah raga nglangi ing jagad.[4] Spesiés ingkang unik lan saged kapanggih nalika nglangi inggih punika kudalaut mini, wobbegong, lan ulam manta ray.[4] wonten ugi ulam endemik Raja Ampat inggih punika Eviota raja utawi sajenis ulam gobbie.[4]
Cathetan suku
besut- ↑ a b c d e f g h i j k l [1] Archived 2011-06-12 at the Wayback Machine. dipunundhuh tanggal 2 Agustus 2011)
- ↑ a b c d e [2][pranala mati permanèn] dipunundhuh tanggal 2 Agustus 2011)
- ↑ a b c d Pesona Bawah Laut Kepulauan Raja Ampat Archived 2011-11-06 at the Wayback Machine. dipunundhuh tanggal 12 Novèmber 2011)
- ↑ a b c d e f g h i j [3] dipunundhuh tanggal 2 Agustus 2011)
Pranala njawi
besut[4] Archived 2011-06-12 at the Wayback Machine.
| Artikel iki minangka artikel rintisan. Kowé bisa ngéwangi Wikipédia ngembangaké. |