Karnaval Pasisir Tegal
Karnaval Pasisir Tegal utawa Tegal Pasisir Carnival (dicekak TPC) ya iku acara kabudayan sing digelar awujud arak-arakan utawa karnaval busana kang diwiwiti taun 2012 ing Kutha Tegal, Jawa Tengah. Arak-arakan iki dianakaké déning Pamarintah Kutha Tegal mengeti reroncene adicara pengetan ambal warsa kutha. Kanti njupuk potensi daerah, TPC ngangkat tema-tema ing antarané go green lan Kembali Bersahabat dengan Alam.[1][2][3][4][5][6]
Riwayat
besutTegal Pasisir Carnival awujud adicara taunan kang dianakaké awit taun 2012 sing digulawenthah déning pamarintah Kutha Tegal, kanthi nggandheng mitra ya iku Cipta Creasi Anak Indonésia, ingkang dadi pengetan ambal warsa Kutha Tegal. Arak-arakan kuwi panyartané atusan wong, diperang dadi golongan, mangkat saka pelatarane gedung Dewan Perwakilan Rakyat Daerah (DPRD) Kutha Tegal, lumebu ing Jalan Veteran, diterusaké ing Jalan Pangéran Dipanegara, menggok kiwa, lumebu Jalan Kartini, menggok kiwa manèh lumebu ing Jalan K.H. Wahid Hasyim, lan pungkasané mandheg ing Alun-alun. Rombongan pambuka dalan ya iku golongan drum band, sing dipasang ing ngarep dhéwé. Barisan ing mburiné ya iku golongan-golongan sing gelaraké manéka warna budaya, mligi budaya Kutha Tegal, liwat sakperang rancangan busana kang dienggo. Arak-arakan dianakké wayah wengi, disokong cahyané lampu kutha, ndadèkaké Tegal Pasisir Carnival minangka tontonan sing reja, dipirsani sagung bebrayan lan para pelancong ing sadawané dalan kang diliwati. Sajeroné arak-arakan mau, wali kutha kairing para kepala dinas, kepala badan, lan kepala ora ketinggalan uga padha ngagem busana adat Jawa Tegalan.
Panyarta
besutTegal Pasisir Carnival kang kapisan pancen durung akèh panyarta sing mèlu. Wektu kuwi namung golongan-golongan saka Kutha Tegal waé, minangka tetepangan. Nanging ing adicara taun sabanjuré, panitiya mbuka pendhaptaran kanggoné golongan liya saka kutha liya, kepara sa-Indonésia kanggo nyengkung hajat kabudayan iki. Lan sadurungé mèlu karnaval, para panyarta diwajibké mèlu workshop lan migunakaké kerajinan busana saka Kutha Tegal kaya ta songket, bathik, tenun, lan liya-liyané.
Uga delengen
besutRujukan
besut- ↑ Nollywoody:Nollywoody Archived 2015-02-23 at the Wayback Machine., dijupuk 23 Fèbruari 2015
- ↑ Radar Tegal:Ingin Lihat Aneka Busana Modern, Yuk Lihat Tegal Pesisir Carnival Archived 2017-04-23 at the Wayback Machine., dijupuk 22 April 2017
- ↑ Antara News:Tegal Pesisir Carnival, dijupuk 22 April 2017
- ↑ Info Tegal:Tegal Pesisir Carnival, dijupuk 22 April 2017
- ↑ Tour Seru:Tegal Pesisir Carnival akan Jadi Agenda Tahunan, dijupuk 22 April 2017
- ↑ Jateng Tribun News:Gelaran Tegal Pesisir Carnival 4 Maha Karya 2015 Sedot Pengunjung, dijupuk 22 April 2017
Pranala njaba
besut- Situs Resmi Kota Tegal Archived 2017-03-29 at the Wayback Machine.
- Situs resmi pemprov Jawa Tengah Archived 2015-02-23 at the Wayback Machine.
 | Artikel budaya iki minangka artikel rintisan. Kowé bisa ngéwangi Wikipédia ngembangaké. |