Wikipédia

Kastil Codnor

Koordhinat: 53°2′43.5″N 1°21′17.1″W / 53.045417°N 1.354750°W / 53.045417; -1.354750

Kastil Codnor inggih punika rerubuhan kastil saking abad kaping 13 ing Derbyshire, Inggris. Lahan ing kiwa-tengené Codnor ing sangandhaping kuwaosan William Peverel bibar Penaklukan Normandia ing Inggris.[1] Sanajan kedhaptar minangka monumèn kuna ingkang dipunjagi, kanthi resmi saking 2008 mlebet ugi ing pratélan yasan ingkang mbebayani.

Saking Lor-Kulon
Saking Kidul-Wétan

Kastil punika bètèng watu ingkang njagi kebon astana dipunyasa déning William Peverel.[2] Ingkang kantun sapunika nedahaken wates saking témbok lan parit sedhuwuring yasan kanthi tingkat tiga, dipunapit kaliyan menara bunder. Pérangan njawi kebon ing ngandhap dipunyasa ing periode salajengipun. Kastil punika gadhah sesawangan lembah Erewash sarta laladan Derbyshire lan Nottinghamshire. Aslinipun gadhah parit ingkang jero ing sisih wétan lan ing sisih wétan naté wonten wit-witan ingkang sapunika sampun telas dipuntegor. Ing sisih kilèn wonten lapangan ingkang dipunjagi déning menara bunder ingkang ageng lan wonten lekukan kanggé tempur. Ing pérangan sanès wonten bukti bilih témbok njawi gadhah bolongan ingkang saged dipun-ginakaken pemanah manawi dipunbetahaken.

Taun 1211 kastil punika kagunganipun Henry de Grey, keturunan satriya Normandia Anchetil de Greye. Keturunan Henry kalebet Lords Grey saking Codnor, Lords Grey saking Ruthyn, Wilton lan Rotherfield, Lady Jane Grey lan Earls saking Stamford, lan kulawarga Dukes saking Suffolk lan Kent ingkang boten gadhah keturunan malih. Larénipun mapan wonten ing Codnor lan dados Baron ingkang loyal marang Henry III. Sareng kaliyan sedhèrèkipun John lajeng nglayani Raja ing Tanah Suci. John Grey misah saking perang Sekotlan lan gabung marang Edward III. Sareng kaliyan William D'Eincourt, Lord Grey mimpin sadaya kesatriya Derbyshire lan Nottinghamshire kanggé nyingkiri invasi. Henry, keturunan pungkasan kulawarga séda nalika masa papréntahan Henry VIII. Piyambakipun marisaken sapérangan lemahipun dhateng putra-putranipun, Henry lan Richard. Sanèsipun dipunwarisaken dhateng bulekipun Elizabeth Grey ingkang lajeng ing taun 1429 krama kaliyan Sir John Zouche, lare paling enèm saking sekawan sedhèrèk Baron Zouche saking Harringworth. Sir John Zouche saking Codnor kaping tiga dados High Sheriff of Derbyshire. Kastil punika dados kagunganipun kulawarga Zouche 200 taun dumugi dipunsadé lajeng pindhah dhateng Virginia taun 1634. Sir Streynsham Master, High Sheriff of Derbyshire ingkang mapan wonten ing kastil taun 1712, dipunlaporaken minangka tiyang pungkasan ingkang manggèni kastil mau.

Kastil Codnor mapan ing dhataran inggil mawi sesawangan ingkang saé mangetan ingkang wonten sapérangan témbok ingkang taksih wonten, bolonganipun sapunika dados papanipun manuk. Saking tilas témbok lan pondasi, katingal naté dados papan ingkang wiyar. Ing kidul wonten ruang persegi ingkang ageng mawi kalih lawang mlebet ing kastil. Ing sisih wétan wonten parit ingkang wiyar lan jero déné ing tanggulipun naté ketuwuhan kalih larik wit ingkang sapunika dipuntegor ing taun 1738. Taman ing wewengkon Kastil wiyaripun kirang langkung 8.9 square kilometres (2,200 acres). Ing wiwitan abad kaping 13 wonten kastil ing mriku lan ing masa papréntahan Henry III dados papan tugas Richard de Grey, keturunanipun Baron Grey saking Codnor manggeni radi dangu, keturunan paling pungkasan, Henry satunggaling filsuf lan ahli alkimia ing masa papréntahan Henry IV pikantuk lisensi kanggé sinau ngeahi logam. Piyambakipun séda ing taun 1526, nalika laladan Codnor dipunalihaken dhateng Sir John Zouch ingkang krama kaliyan Elizabeth. Wewengkon Codnor dipunsadé déning Sir John Zouch lan John Zouch, Esq. pewarisipun nalika 1634 marang Biskop Agung Neile lan larénipun Sir Paul. Keturunanipun, Richard Neile, Esq. nyade kastil lan lahan kagunganipun ing Codnor dhateng anggota Heanor, Loscoe, lan Langley. Lajeng lemah ing Taman Codnor, taun 1692 marang Sir Streynsham Master ingkang dados high sheriff taun 1712 lajeng nguwaosi Kastil Codnor, nanging lajeng dados yasan ingkang boten keurus saking periode wiwit rubuh. Kacariyosaken wonten enem griya tetanen lan yasan sanèsipun dipunyasa saking lahan yasan ingkang dipunpendhet saking rontokan. Kanal Cromford lan Erewash lajeng dados satunggal[3]

Sapunika ingkang kantun saking Kastil Codnor punika rubuhan ingkang sampun gapuk. Tembokipun dipunsangga mawi perancah. Tandha ingkang pager watesan nedahaken bilih papan punika kagunganipun UK Coal Mining Ltd. lan tiyang umum boten kénging mlebet. Ing Juni 2007, program Time Team saking Channel 4 nglampahi pengedhukan arkéologi ing kiwa-tengené kastil kanthi kasil ingkang saé. Ingkang paling spektakuler inggih punika pepanggihan koin emas abad tengahan ingkang kapanggih ing parit, sapunika kapanggih Museum lan Gladri Kagunan Derby[4]

Cathetan suku

besut
  1. ↑ "Codnor - the Domesday Book Online". Diarsip saka sing asli ing 2007-09-26. Dibukak ing 2013-03-17.
  2. ↑ CastleUK.net
  3. ↑ "White's 1857 Directory of Derbyshire". Diarsip saka sing asli ing 2008-07-24. Dibukak ing 2008-07-24.
  4. ↑ Time Team at Channel Four: Codnor Castle, first broadcast 6 January 2008,

Pranala njawi

besut
Wikimedia Commons duwé médhia ngenani Codnor Castle.
Dijupuk saka "https://jv.wikipedia.org/w/index.php?title=Kastil_Codnor&oldid=1644693"