Sagopi
(Kaelih saka Ken Sagopi)
Kèn Sagopi utawa Sagupi iku pangidung (wiraswara) ing kraton Mandura. Déning Basudewa, Ken Sagopi dijodhoake karo Antagopa, tukang angon ing Kabuyutan Widarakandhang. Nanging, dudu Antagopa kang mènèhi wiji marang anak-anaké wanita kraton iki. Putra-putrine ya iku:
- Dewi Larasati, putri sesambungane karo Arya Rukma.
- Udawa, putra sesambungane karo Basudewa.
- Adimanggala, putra sesambungane karo Ugrasena.
Ana uga dhalang kang nambahi yèn ana putra liyané manèh, ya iku Pragota.
Saliyané ngemong anak-anaké, Ken Sagopi uga momong Kakrasana, Narayana, lan Rara Ireng.