Kesenian Korea

Kesenian Koréa ya iku jinis kesenian kang ngrembaka ing Koréa kawit jaman kuna. Ciri-ciri kesenian visual kang diprodhuksi déning rakyat Ujung Koréa nuduhake kaprasajan, spontanitas, lan naturalisme.

Lukisan Avalokiteshvara dari jaman Dinasti Goryeo.

Sajarah

Artefak seni wiwitan Koréa ngindikasekake prabawa Cina, kang dimulai dkanthi ngadege koloni-koloni Cina ing taun 108 SM ing tilase wewengkon karajan Gojoseon. Agama Buda dikenalake saka Cina ing taun 372, dadi sumber inspirasi karya seni bangsa Koréa nganti abad kaping 15. Ing mangsa Tiga Karajan, karya-karya seni Koréa diciptake kanthi bentuk-bentuk arsitèktur pagoda, perhiasan, tembikar, lan ukir-ukiran minangksa dedikasi tumrap Buda.

Wujud keterampilan seni wong saka karajan Goguryeo dituduhake kanthi lukisan dinding ing kuburan-kuburan kuna ing kutha krajan wiwitan Goguryeo (saiki ing Manchuria) lan separone ing Kangseo, provinsi Pyongan Selatan. Wong Silla nyipta seni musik Hyangga kang racaké duwé isi syair-syair Buddhis.

Dinasti Goryeo

Buda ngrembaka luwih kuwat ing nagara Goryeo lan dominan ing budaya seni. Ing babagan arsitèktur, akèh pagoda, arca lan kuil-kuil Buda diyasa, tuladhané Kuil Buseok lan Kuil Sudeok. Ing mangsa iku musik Cina diimpor saka Tang lan Song kang diarani Dangak lan Aak. Musik-musik iki ngrembaka bareng musik asli, Hyangak. Kira-kira karya seni kang gedhé dhéwé saka jaman iki ya iku (goryeo cheongja), seni kramik ijo kang didikenalake saka Song nanging diciptakake kanthi gaya kang béda mula bisa narik kawigaten kadang katresnan seni ing Cina lan Timur Tengah.