Ketapang (tuwuhan)

Terminalia catappa
Klasifikasi ngèlmiah
Karajan:	Plantae
Dhivisi:	Magnoliophyta
Klas:	Magnoliopsida
Ordho:	Myrtales
Famili:	Combretaceae
Génus:	Terminalia
Spésies:	T. catappa
Jeneng binomial
	Terminalia catappa; L.

Ketapang utawa Terminalia catappa iku sawijining tuwuhan gedhé tropis sing kalebu family Combretaceae. Asalé wit Kepatang isih dadi kontroversi, bisa uga saka India, Ujung Malaya, utawa Nugini. Jeneng umum antarané Indian almond, Bengal almond, Singapore almond , Malabar almond, Tropical almond, Sea almond, lan Umbrella tree.

Wit iki tuwuh dhuwuré nganti 35 m, kanthi tajuk kang tegak simètri lan pang-pangé horisontal. Yèn wité wis rada tuwa, tajuké dadi rata awangun vas. Godhong-godhongé amba, dawané 15–25 cm lan ambané 10–14 cm, lonjong, warna ijo tuwa mengkilap. Wit iki godhongé padha palastra ing mangsa panas; sadurungé rontok, wernané dadi semu abang utawa kuning-coklat, amarga anané dat pigment kaya violaxanthin, lutein, lan zeaxanthin.

Kembangé ana loro ya iku lanang lan wadon ing wit sing padha. Kaloroné duwé diamèter 1 cm, warna putih rada ijo. Wohé dawané 5–7 cm lan ambané 3-5.5 cm, ijo nalika isih enom banjur malih dadi kuning lan pungkasané abang nalika wis mateng, kanthi wiji tunggal.

Khasiat

Terminalia catappa tuwuh ing tlatah tropis minangka tuwuhan hias, kanthi tajuk godhong sing rimbun. Wohé rada kecut rasané.

Kayuné awarna abang, atos lan tahan banyu. Ing tlatah Polynesia kayu iki digawé prau.

Godhongé ngandhut sawatara flavonoid (kaya kamferol utawa quercetin), sawatara tannin (kaya punicalin, punicalagin utawa tercatin), saponine lan phytosterol. Amarga sugih dat kimia, godhongé dianggo warna-warna pangobatan tradhisional. Contoné, ing Taiwan godhong sing tiba dipigunakaké kanggo obat lelara liver. Ing Suriname, tèh sing digawé saka godhong Ketapang dianggo tamba lara désèntri lan lara weteng. Uga ana sing nyangka yèn godhong Ketapang ngandhut dat sing bisa nyegah kanker (sanadyan ora tinemu karakteristik dat antikarsinogin) lan antioksidan uga anticlastogenic.

Tumraping pamiyara iwak, godhong Ketapang dipigunakaké kanggo ngudhunanké ph lan kadhar logam sajeroning banyu. Cara iki wis dipigunakaké déning Betta Breeders ing Thailand mataun-taun.

Gladri

Kayu wit Ketapang ing Kalkuta, India.
Wit Ketapang ing Kalkuta, India.
Wit Ketapang ing Kalkuta, India.
Kayu wit Ketapang sing wis tuwa ing Kalkuta, India.
Godhong Ketapang sing wis rontok.
Godhong Ketapang sing wis rontok (waliké).
Pang wit Ketapang.