Klaus Ebner
Klaus Ebner (8 Agustus 1964 ing Wina) iku siji panulis saka Ostenrik. Dhèwèké senengané nulis carita-carita cekak ing kalawarti lan bukuné sing kapisan dibabar ing taun 2007. Dhèwèké nulis ing basa Jerman lan basa Katalan.
| Klaus Ebner | |
|---|---|
 | |
| Lair | 8 Agustus 1964 Wina |
| Pakarya | Panulis, panulis essay, pujangga, panerjemah |
| Bangsa | Ostenrik |
| Mangsa | Kontèmporèr |
| Karya gedhé | Hominide |
Babad salira
besutEbner kuliah basa-basa Roman, filologi Jerman lan Ngèlmu alihbasa ing dasawarsa 1980-an ing Univèrsitas Wina[1]. Saliyané iku, dhèwèké uga nyambut gawé kanggo siji paguyuban sastra lan kalawarti Wina kanggo sastra. Pungkasané dhèwèké uga konsèntrasi ing sawatara pagawéyan profésional, kaya ta alihbasa lan mèlu sawatara proyèk-proyèk IT. Ing dasawarsa 1990-an, dhèwèké nerbitaké artikel-artikel lan buku-buku ngenani software lan topik-topik network. Sanadyan buku-buku iku ditulis ing basa Jerman, dhèwèké uga nulis ing basa Inggris[2].
Sawisé lulus saka sekolah, Klaus Ebner nulis tèks gancaran cekak, puisi lan sandhiwara radio. Lumrahé déning Ebner dibabar ing kalawarti sastra lan budaya. Sawisé taun 2004, panerbitan karya sastrané dadi luwih kerep. Saiki, Klaus Ebner iku siji pangripta fiksi naratif (roman utawa novèl, carita cekak, gancaran cekak), ésai lan puisi. Dhèwèké nulis ing basa Jerman lan Katalan. Ing taun 2007 dhèwèké lunga menyang Andorra lan nulis ésai[3] prakara nagara iki. Olèhé lunga menyang nagara ing Pagunungan Pyrenee iki diwèhi subsidi kasustran déning pamaréntah Ustenrik (Ostenrik).
Karya-karya Ebner nyerminaké masarakat multi budaya, kebersamaan sajeroning méntalitas sing séjé-séjé, basa, étik lan kapercayan agama. Toleransi mainaké peran sing gedhé, sing saya katon ing kolèksiné karya gancaran sing kapindho, Auf der Kippe ("Ing Pinggiran"). Ing Acara Bebungah Internasional Puisi Nosside, dhèwèké karan karo siji puisi ing basa Jerman, sinandhingan karo pertalané ing basa Inggris. Juri celathu prakara "kangenesan métropolitan", sing bisa diungkapaké ing puisi[4] iki sing nulis prakara siji tukang koran sing "panganané awujud kasepèn":
| Basa Inggris | Basa Jerman | Basa Jawa |
|---|---|---|
|
a paperman and sick |
ein Zettler krank |
siji tukang koran lara |
Ing taun 2008 Klaus Ebner pinaringan panghargyan Wiener Werkstattpreis 2007. Carita cekak sing menang iku Der Flügel Last ("Beban Swiwi") sing nyritakaké siji kenya umur pitung taun sing nandhang lara kanker. Gaya naratifé nganggo gaya perspèktif bocah cilik. Ésai sing menang Was blieb vom Weißen Ritter? ("Apa Sing Turah saka Ksatriya Putih?") mènèhi sawatara pangertèn sithik sajeroning roman Abad Tengahan Tirant lo Blanch sing ditulis déning Joanot Martorell saka Valencia. Sang penulis nyampuraké pangalaman wacané dhéwé karo informasi filologi lan historis.[5]
Klaus Ebner saiki manggon lan nyambut gawé ing Wina. Dhèwèké siji anggota Asosiasi Penulis Graz (Grazer Autorenversammlung (GAV))[6] lan Sarékat Penulis Ostenrik (Österreichischer Schriftstellerverband (ÖSV)).
Karya
besut- Vermells/Shades of Red; nulis (ing basa Katalan), SetzeVents Editorial, Urús 2009, ISBN 978-84-92555-10-9
- Hominide/Hominina; novèl utawa roman cekak (ing basa Jerman), FZA Verlag, Vienna 2008, ISBN 978-3-9502299-7-4
- Auf der Kippe/On the brink; prosa/gancaran (ing basa Jerman), Arovell Verlag, Gosau 2008, ISBN 978-3-902547-67-5
- Lose/Destinies; carita cekak (ing basa Jerman), Edition Nove, Neckenmarkt 2007, ISBN 978-3-85251-197-9
Uga delengen
besutRéferènsi
besut- ↑ Ebner, Klaus: Auf der Kippe, d. 139.
- ↑ NT Update, issues 9, 10, 14ff., xephon, London 1999-2002.
- ↑ Interview Christof G. Pelz: Website Klaus Ebner Archived 2008-10-10 at the Wayback Machine., Essays (ing basa Jerman).
- ↑ Ebner, Klaus: ein Zettler krank/a paperman and sick, in: Amato, Pasquale lan Mariela Johnson Salfrán: Nosside 2007, Città del Sole Edizioni, Reggio Calabria 2007, d. 113.
- ↑ Tèks loro iki wis dibabar sajeroning brosur bebungah: Schaden, Peter (Ed.): wordshop x, FZA Verlag, Wina 2008.
- ↑ Cf. to the member's list of GAV, entri bab Klaus Ebner[pranala mati permanèn].