Komisi Nasional Perlindungan Anak

Komisi Nasional Perlindungan Anak utawi ingkang asring dipuncekak Komnas PA inggih punika salah satunggaling lembaga independen ing Indonésia ingkang kedhudhukanipun sak tingat kaliyan Komisi Nagara ingkang dipunbentuk dhedhasar Surat Dudutan Mantri Sosial Republik Indonesia Nomor 81/HUK/1997 ngengingi Pembentukan Lembaga Perlindungan Anak Pusat ingkang boten sanès punika ingkang dados cikal bakaling lahiripun satunggaling komisi mirunggan ingkang ngurusi kupiya kanggé nglindhungi lan ningkataken kasejahteraning lare kanthi independen. Komnas PA gadhah ancas kanggé ningali, majengaken, lan nglindhungi hak kanggé laré, saha nygeah manéka warna badhé wontenipun pelanggaran hak kanggé lare ingkang dipuntindakaken déning nagara, saben pribadi tiyang, utawi lembaga. Komnas PA madeg wonten ing Jakarta, ing tanggal 26 Oktober 1998

Logo Komnas PA

Visi lan Misi

Visi

Mujudaken kaanan perlindhungan kanggé lare ingkang optimum kanggé mujudaken lare ingkang andal, gadhah kualitas saé, lan gadhah seserepan ingkang wiyar tumuju dhateng masarakat ingkang sejahtra lan mandhiri.

Misi

• Nglindhungi lare saking saben tiyang lan utawi lembaga ingkang nglanggar hak kanggé lare, saha ngupiya kanggé mberdhayakaken kulwarga saha masarakat supados saged nyegah kadadosanipun pelanggaran hak kanggé lare.
• Mujudaken tatanan pagesangan ingkang saged majengaken lan nglindhungi lare saha hak- hakipun saha nyegah wontenipun pelanggaran dhateng lare piyambak.
• Ningkataken kupiya perlindhungan kanggé lare kanthi ningkataken kesadharan, kawruh lan kaprigelanipun masarakat saha ningkaktaken kualitas lingkungan ingkang saged paring peluang, panyengkuyung, lan kebebasan dhateng mekanisme perlindhungan kanggé lare.

Organisasi

Komisi Nasional Perlindhungan Anak kapérang dados:

• Forum Nasional Perlindungan Anak (Forum nasional), inggih punika badan ingkang nyepeng kakkuasan paling inggil lan mendhet kaputusan ingkang paling inggil wonten ing Komisi Perlindhungan Anak, ingakng dipunadani dhedhasar ketentuan lan aturan ingkang sampun dipuntemtokaken wonten ing Anggaran Dhasar lan Anggaran Rumah Tangga saha aturan sanèsipun ingkang dipuntemtokaken wonten ing pertemuan Forum Nasional Perlindhungan Anak. orum Nasional Perlindungan Anak dipunadani saben tigang taun sapisan.
• Komisi Nasional Perlindungan Anak (Komisi Nasional) kanthi anggota cacahipun kirang langkung sewelas ngantos selikur tiyang ingkang dipunpilih déning Forum Nasional.

Ketua Umum Komisi Nasional Perlindungan anak ing wekdal punika inggih Seto Mulyadi, kanthi sekretaris jenderalipun inggih punika Arist Merdeka Sirait.