Konjaku Monogatarishū

Konjaku Monogatarishū (今昔物語集, Konjaku Monogatarishū^? Kempalan cariyos kala rumiyin) utawi Konjaku Monogatari inggih punika kempalan cariyos ingkang kinten-kinten kapungkasan dipunserat wonten ing Jepang ing pungkasan jaman Heian. Irah-irahan buku asalipun saking ukara pambuka cariyos ingkang kathahipun kawiwitankanthi tembung "Konjaku" dipunwaos "Ima wa mukashi" (今昔, 今ハ昔, "Konjaku" dipunwaos "Ima wa mukashi"^? ing masa lampau). Saderengipun abad kaping 19, irah-irahan buku punika boten dipunwaos minangka Konjaku Monogatari, nanging Imawamukashi no Monogatari.

Isinipun langkung saking sewu irah-irahan cariyos saking tigang nagara, India, Tiongkok, lan Jepang. Sedaya wonten 31 volume ingkang boten jangkep amargi volume 8, 18, lan 21 boten wonten. Miturut prakiraan, volume ingkang boten wonten punika boten amargi ical utawi risak sasampunipun kaserat, nanging amargi dèrèng rampung dipunserat. Kajawi punika, wonten ukara lan tembung ing buku punika ingkang boten jangkep. Penganggit jaman modern asring mendhet idé cariyos saking Konjaku Monogatari. Ing antawisipun Ryūnosuke Akutagawa kaliyan carita cekak Rashomon lan Hana (Hidung).

Sajarah

Taun panyeratan lan nama pengarang ugi panyunting buku punika boten dipunmangertosi.

Taun panyeratan

Ing Konjaku Monogatarishū wonten indikasi bilih panyerat nyobi nyathet cariyos babagan Perang Zenkunen lan Perang Gosannen ingkang kalebet peranga ageng ing paruh kaping kalih abad kaping 11. Sanajan makaten, panyeratanipun mandeg ing irah-irahan cariyos déné isinipun cariyos boten wonten. Adhedhasar karakteristik tokoh lan prastawa,, Konjaku Monogatari kinten-kinten dipunsusun sasampunipun taun 1120-an dumugi taun 1449. Literatur sanès kapisan ingkang nyebat babagan Konjaku Monogatari inggih punika buku padintenan biksu Kyōkaku mawi irah-irahan Kyōgaku Shiyōshō saking taun 1449.^[1]

Prastawa wigati ingkang kadadosan wiwit tengahan dumugi pungkasan abad kaping 12 kados Pemberontakan Hōgen, Pemberontakan Heiji, lan Perang Genpei boten dipunsebat lan boten dados latar wingkingipun cariyos. Adhedhasar alesan mau, buku punika wiwit dipunserat nalika taun 1120-an nalika masa Kaisar Shirakawa utawi Kaisar Toba nglampahi pamaréntahan saking wingkingipun biara.

Penganggit

Dumugi sapunika, nama penganggit utawi panyunting boten kepanggih. Manawi Konjaku Monogatari dipunwastani minangka edisi revisi lan pawiyaran saking Uji Dainagon Monogatari, lajeng panyeratipun inggih punika satunggaling dainagon saking Uji anama Minamoto no Takakuni. Nanging andharan bilih penganggit Konjaku Monogatari punika Minamoto no Takakuni sampun dibantah.^[1] Kajawi punika, biksu saking Nanto Bokurei ugi asring dipunsebat minangka panyeratipun.

Naskah Suzuka

Perpustakaan Universitas Kyoto nyimpen naskah tuwa dhéwé Konjaku Monogatarishū asalipun saking koleksi buku kulawarga Suzuka saéngga dipunwastani "Naskah Suzuka" (Suzuka-bon). Perpustakaan nampi naskah mau minangka bebungah nalika wulan Oktober 1991.^[2] Bibar restorasi rampung, Naskah Suzuka dados pusaka nagara ing wulan Juni 1996.

Naskah Suzuka kagunganipun Perpustakaan Universitas Kyoto wonten 9 volume.^[2] Adhedhasar asiling analisis umur kertas, naskah Suzuka kirang langkung asalipun saking jaman panyeratan Konjaku Monogatarishū, lan saged ugi naskah asli sanès salinan. Naskah-naskah Konjaku Monogatarishū sanèsipun saged ugi dipunsalin lajeng dipunsebar saking Naskah Suzuka.

Isi saben volume

Pérangan India

Volume 1-4 isinipun cariyos piwulang agami Buda. Volume 5 wonten cariyos babagan kadonyan ugi cariyos kala rumiyin Buda Sakyamuni.

Volume 1: India (wiyosipun Sakyamuni sarta gesangipun ingkang dados mitos)
Volume 2: India (khotbah Buda ingkang dipunwulangaken Sakyamuni)
Volume 3: India (ajaran kamanungsan miturut)
Volume 4: India Pasca-Buda (kagiyatan murid-murid Sakyamuni bibar Sakyamuni séda)
Volume 5: India Pra-Buda (pagesangan rumiyin Sakyamuni, lan gesangipun saderengipun dados Buda)

Pérangan Tiongkok

Volume 6 dumugi 9 punika cariyos agami Buda

Volume 6: Piwulangan Buda Tiongkok (duginipun agami Buda ing Tiongkok lan sajarah panyebaran)
Volume 7: Piwulangan Buda Tiongkok (kebajikan Mahaprajnaparamita Sutra lan Saddharma Pundarika Sutra)
Volume 8: boten wonten
Volume 9: Cariyos budi pekerti saking Tiongkok (carita anak ingkang bakti)
Volume 10: Sajarah nagara Tiongkok (buku sajarah Tiongkok, carita aneh kados novèl)

Pérangan Jepang, subbageyan Buda

Volume 11: Buda ing Jepang (duginipun Buda ing Jepang lan panyebaran)
Volume 12: Buda ing Jepang (pratandha lan kebajikan upacara pengtan tiyang séda)
Volume 13: Buda ing Jepang (kebijakan resitasi Saddharma Pundarika Sutra)
Volume 14: Buda ing Jepang (carita mukjizat Saddharma Pundarika Sutra)
Volume 15: Buda ing Jepang (carita kematian biksu)
Volume 16: Buda ing Jepang (carita mukjizat Avalokitesvara Bodhisattva)
Volume 17: Buda ing Jepang (carita mukjizat Ksitigarbha Bodhisattva)
Volume 18: boten wonten
Volume 19: Buda ing Jepang (tiyang awam ingkang dados biksu lan séda, carita aneh)
Volume 20: Buda ing Jepang (Tengu, dugi lan kesah dhateng/saking alam barzah, karma)

Pérangan Jepang, subbageyan carita kaduniawian

Volume 21 boten wonten.
Volume 21: boten wonten
Volume 22: Jepang (seri riwayat gesangipun klan Fujiwara)
Volume 23: Jepang (carita militèr)
Volume 24: carita kaduniawian Jepang (carita donya hiburan)
Volume 25: carita kaduniawian Jepang (carita perang lan kepahlawanan)
Volume 26: carita karma memedi saking Jepang
Volume 28: carita kaduniawian saking Jepang (carita humor)
Volume 29: carita donya kriminal saking Jepang (carita perampok lan carita kéwan)
Volume 30: carita sanèsipun saking Jepang (carita mawi tembang, kisah cinta)
Volume 31: carita sanèsipun saking Jepang (carita aneh, bonus carita misterius)

Réferènsi

↑ ^a ^b Furukawa Chika. "Konjaku Monogatarishū". Perpustakaan Universitas Kyoto. Diarsip saka sing asli ing 2016-03-04. Dibukak ing 16 Januari 2008.
↑ ^a ^b Nagao, Makoto. "Go aisatsu". Perpustakaan Universitas Kyoto. Diarsip saka sing asli ing 2016-03-03. Dibukak ing 16 Januari 2008.

Konjaku monogatarishū 1. Iwanami Shoten. 1993. ISBN ISBN 4-00-240033-6. {{cite book}}: Check |isbn= value: invalid character (pitulung)
Konjaku monogatarishū 2. Iwanami Shoten. 1993. ISBN ISBN 4-00-240034-4. {{cite book}}: Check |isbn= value: invalid character (pitulung)
Konjaku monogatarishū 3. Iwanami Shoten. 1993. ISBN ISBN 4-00-240035-2. {{cite book}}: Check |isbn= value: invalid character (pitulung)
Konjaku monogatarishū 4. Iwanami Shoten. 1993. ISBN ISBN 4-00-240036-0. {{cite book}}: Check |isbn= value: invalid character (pitulung)
Konjaku monogatarishū 5. Iwanami Shoten. 1993. ISBN ISBN 4-00-240037-9. {{cite book}}: Check |isbn= value: invalid character (pitulung)

Waosan salajengipun

Ages Ago: Thirty-Seven Tales from the Konjaku Monogatari Collection. S.W. Jones (penerjemah). Cambridge, Mass.: Harvard University Press. 1959.{{cite book}}: CS1 maint: others (link)

Pranala njawi

(ing basa Jepang) Konjaku Monogatari (Naskah Suzuka), Perpustakaan Universitas Kyoto Archived 2017-07-05 at the Wayback Machine.. Teks asli.
(ing basa Jepang) Konjaku Monogatari Archived 2007-12-24 at the Wayback Machine. dalam basa Jepang modern (situs Heisei no Hanako)

Cithakan:Jmyth navbox long

[konjaku-1] Furukawa Chika. "Konjaku Monogatarishū". Perpustakaan Universitas Kyoto. Diarsip saka sing asli ing 2016-03-04. Dibukak ing 16 Januari 2008.

[aisatsu-2] Nagao, Makoto. "Go aisatsu". Perpustakaan Universitas Kyoto. Diarsip saka sing asli ing 2016-03-03. Dibukak ing 16 Januari 2008.

[1]

[2]