Konstitusi Meiji

Konstitusi Meiji {大日本帝國憲法} utawa Konstitusi Kamaharajan Jepang ya iku undhang-undhang Kakaisaran Jepang wiwit saka taun 1889 nganti tekan taun 1947. Undhang-undhang iki dicakaké dadi péranganing Restorasi Meiji. Undhang-undhang dhasar iki ngidinaké anané sawijining monarki konstitusional kang dhedhasar modhèl Prusia, ya iku Kaisar Jepang dadi panguwasa aktif lan duwé kakuwasan pulitik kang gedhé, nanging didum karo anggota parlemen kang dilantik. Restorasi Meiji kang ana bisa mbalèkake kakuwasan pulitik langsung marang kaisar kanggo sepisanan sawisé punjul sèwu taun Jepang ngalami periodhe réformasi pulitik lan sosial uga prosès westernisasi kang angkahé kanggo ngangkat derajat derajat Jepang nganti padha karo bangsa-bangsa liyané kang ana ing donya sisih kulon. Konsekuènsi langsung saka Konstitusi iki ya iku dibukake pamaréntah parlemèntèr pisanan ing Asia. Konstitusi Meiji netapake watesan kang teges antarané kakuasan badan èksekutif lan kekuasaan mutlak Kaisar. Konstitusi iki uga nggawe sawijining pengadilan kang independen. Nanging uga ana ambiguitas ing tembung-tembung ing naskahe, lan akèh keterangan kang saling berkontradiksi. Para pemimpin pamaréntah lan parte pulitik kanthi mengemban tugas kanggo nafsirake, Konstitusi Meiji bisa minangka mbenerake kakuasan otoriter utawa papréntahan kang liberal-demokratis. Pertarungan antarané rong kecenderungan mau kang banjur ndominasi papréntahan Kamaharajan Jepang. Konstitusi Meiji digunakaké dadi model kanggo Konstitusi Ethiopia 1931, déning intelektual Ethiopia Tekle Hawariat Tekle Mariyam. Iki kang ndadèkaké salah sijiné alesan kenapa kaum intelektual progresif Ethiopia kang gegeyutane karo Tekle Hawariat dikenal karo sebutan "Japanizers". Konstitusi Meiji diadopsi nalika 11 Fèbruari 1889 nanging nembé diwiwiti nalika tanggal 29 November 1890. Taun 1947, bebarengan karo kalahe Jepang dlan uga jajahane Jepang nalika pungkasan taun Perang Donya II, Konstitusi Meiji digantikake karo dhokumèn anyar kang dijenengi "Konstitusi Jepang", kang nggantikake sistem kamaharajan karo jinis dhémokrasi liberal ala Nagara-nagara kulon.

Penetapan Konstitusi Meiji, karya Hashimoto Chikanobu.

Gladri

• 
  Jōyu (上諭)-"Sabda Kaisar" (1)
• 
  Jōyu (上諭)-"Sabda Kaisar" (2)
• 
  Gyomei Gyoji (御名御璽)-"Sabda Kaisar" (3): Tanda Tangan lan Cap Kamaharajan
• 
  Honbun (本文)-teks

Pranala njaba

• Teks lengkap Konstitusi Meiji tersedia di Wikisource:
  • (ing basa Jepang) Basa Jepang
  • Terjemahan Basa Inggris