Kotak (grup musik)

Saking ajang The Dream Band ingkang dipunwontenaken déning salah satunggaling televisi swasta, grup band Kotak kawujud. Kanthi Dody Isnaini, ingkang dados prodhuser ing wekdal samanten (ugi dados bassis Kahitna), kanthi audisi. Tanggal 27 September 2004 kawujud grup band Kotak ingkang dipungawangi déning Pare ing vokal, Prinzes Amanda (Icez) ing bass, Mario Marsella (Cella) ing gitar lan Haposan Haryanto Tobing (Posan) ing drum. Nanging ing taun 2007, Pare saha Icez ngunduraken dhiri, saha posisi vokal dipun-gantos Tantri Syalindri Ichlasari (Tantri),saha ing bass dipun-gantos Swasti Sabdastantri (Chua). Kanthi genre musik modhèren rock ingkang gadhah nuansa dark, saha dipunsurung kanthi gaya gothic, saged damel Kotak lajeng pikantuk panggènan ing masarakat pandhemen musik.

Latar wuri
Asal	Jakarta, Indonesia
Genre	Rock
Taun aktif	2004-sapunika
Label	HMR (2004) Musica (2005) Warner (2008-sapunika)
Situs wèb	kotakrockband.com
Anggota
Tantri (vokalis) Chua (bass) Cella (gitar)
Mantan anggota
Pare (vokalis) Icez (bass) Posan (drum)

Debut album ingkang sapisan dipunrilis taun 2005 kanthi irah-irahan KOTAK. Album self title punika gadhah 10 lagu, ing antawisipun lagu Hilang, Terbang (Khayal), Damai Hati, Kau Pilih Dia, sarta kathah lagu sanèsipun. Album punika saged dipuntampi déning para Kerabat Kotak (sesebatan kanggé pandhemen Kotak). Tigang taun salajengipun, band saking Jakarta punika ngrilis album KOTAK KEDUA. Album kanthi 12 track punika, kanthi label Warner Music Indonesia. Lagu Beraksi, Masih Cinta lan Tinggalkan Saja dados hits ing album punika.

Album

• KOTAK (2006)
• KOTAK Kedua (2008)
• Energi (2010)
• Terbaik (2012)
• NEVER DIES (2014)
• Long Live Kotak (2016)
• Identitas (2020)