Kreteg Makutha II
Kreteg Makutha II (Jembatan Mahkota II) ya iku kreteg kang bakal nyambung Kali Kapih, kecamatan Sambutan karo kelurahan Simpang Pasir, Palaran ing kutha Samarinda , kang dawané sawatara 1.428 mèter lan bakal dadi kreteg paling dawa ing Kalimantan Wétan. Dijenengi Mahkota II (Mahakam Kota II) amarga iku kreteg kapindho kang dibangun ing tlatah Kutha Samarinda sawisé Jembatan Mahakam (utawa Makutha I.
| Jembatan Mahkota II | |
|---|---|
| Jeneng resmi | Jembatan Mahkota II |
| Ngangkut | Kendaraan R4, R2, dan pejalan kaki |
| Ngliwati | Sungai Mahakam |
| Lokasi | Samarinda, Kalimantan Timur |
| Dawa total | 1.428 meter |
| Tanggal dibangun | 2002 |
| Tanggal pambukaan | 2017 |
| Tol | Tidak berbayar |
| Peta lan foto udhara | |
Proyèk pembangunan Kreteg Makutha II diwiwiti ing taun 2002 lan dimandegaké utawa kandheg amarga iku ora ditanggepi maneh perkara wragad saka APBN, bebarengan karo rencana kanggo mindhah Pelabuhan Samarinda lan nunggu pelabuhan peti kemas Palaran rampung. Yèn pembangunan kreteg diterusaké, iku bakal ngganggu lalu lintas pelayaran Kali Mahakam. Wragad kanggo bangun Kreteg Makutha II iku dipindhah kanggo bangun Kreteg Mahakam Ulu kang ora ngganggu pelayaran menyang Pelabuhan Samarinda.Kreteg iki diterusaké manèh lan bakal rampung ing pungkasan taun 2016 lan wis bisa digunakaké ing 21 Januari 2017.[1]
Nanging, nganggo macem-macem parembugan lan prosès uji kaslametan Kreteg Makutha II akhiré bisa dibukak kanggo umum minangka bagéan saka nyoba suwéné telung minggu wiwit 21 Juni 2017. Sanajan wis dibukak kreteg iki bakal ditutup ing wayah wengi wiwit 18.00 WITA kanggo dibukak manèh dina sabanjuré ing 06.00 WITA. Kajaba iku mung kendaraan rodha loro lan minibus waé kang bisa liwat.Seminggu dibuka, metu isu Kreteg Makutha II retak.Tim Teknis Dinas Pekerjaan Umum dan Perumahan Rakyat (PUPR) Samarinda langsung njupuk langkah cepet mriksa kahanan kreteg lan kreteg iku aman diliwati. Tim nyatakaké y`rn ora ana retakan nanging mung overlap semen antarané sambungan beton lawas lan anyar. Iku katon retak amarga dadi lintasan banyu. Dadi, thukul lumut lan katon retak yèn difoto saka ngisor kreteg.[2]
Rujukan besut
- ↑ Tribun Kaltim - Mahkota II Jangan Dialihkan. Diakses pada 28 November 2011
- ↑ Tenang, Jembatan Mahkota II Aman Dilintasi. Diakses pada 4 Juli 2017