Wikipédia

Larry Ellison

Lawrence Joseph Ellison (lair ing Manhattan, New York, Amérikah Sarékat, 17 Agustus 1944; umur 80 taun) inggih punika satunggalipun tiyang saking Amérika ingkang kawentar minangka ratu bisnis, pandiri lan chief executive Oracle Corporation, satunggalipun perusahaan ageng prangkat lunak.[1] Ing taun 2011, panjenenganipun dados tiyang paling sugih kaping gangsal sadonya,[2] kanthi kasugihanipun 39.500.000.000 dollar Amérikah Sarékat.[3]

Larry Ellison
LairLawrence Joseph Ellison
(1944-08-17) Agustus 17, 1944 (umur 80)
Manhattan, New York City, A.S.
PakaryanWakil Pendiri dan CEO, Oracle Corporation
GajihUS $1.0 juta (2009)
Bebathèn
resik		Decrease $22.5 milyar USD (2009)
BojoAdda Quinn (o. 1967–74)
Nancy Wheeler Jenkins (o. 1977–78)
Barbara Boothe (o. 1983–86)
Melanie Craft (o. 2003)
Anak5
Sana jaringanEllison at Oracle.com

Lawrence Joseph Ellison miyos ing Bronx, New York.[1] Ibunipun nitipaken Ellison dhateng bulik lan paklikipun supados dipunopèni ngantos ageng.[1] Ellison ageng ing apartemén ing kutha South Side.[1] Ngantos yuswa kalih welas taun Ellison boten ngertos manawi dipunadhopsi.[1] Bapak angkatipun kicalan bisnis real estate saéngga lajeng nyambut damel dados auditos kanggé otoritas perumahan publik.[1] Wiwit alit, panjenenganipun gadhah bakat ing matematika lan ngèlmu pangetahuan.[1] Ellison sekolah matematika ing Universitas Illinois.[1]

Nalika ujian ingkang pungkasan ing taun kaping kalih kuliahipun, ibu angkatipun tilar donya saéngga panjenenganipun lajeng medal saking sekolah.[1] Panjenenganipun lajeng ndhaftar ing Universitas Chichago, nanging lajeng medal malih ing semester kapisan.[1] Rama angkatipun gadhah pamanggih manawi Ellison boten badhé suksés.[1] Nanging, Ellison gadhah bakat ing babagan dhasar-dhasar pamrograman komputer ing Chichago.[1] Panjenengan lajeng nyambut damel ing Berkeley, California.[1] Sadangunipun wolung wulan salajengipun, Ellison gantos saking padamelan satunggal ngantos padamelan sanèsipun, nyambut damel minangka téknisi ing Fireman Fund lan Wells Fargo Bank.[1]

Cathetan suku

besut
  1. ↑ a b c d e f g h i j k l m n Prophet Of Software Archived 2012-01-28 at the Wayback Machine. dipunundhuh tanggal 10 September 2011)
  2. ↑ Forbes top 10 richest people in the world
  3. ↑ Larry Ellison - Forbes, Forbes.com. Retrieved June 6, 2011.

Pranala njawi

besut


Dijupuk saka "https://jv.wikipedia.org/w/index.php?title=Larry_Ellison&oldid=1653350"