Mario Capecchi
Mario Renato Capecchi (lair ing Verona, Itali, 6 Oktober 1937; umur 86 taun) inggih punika salah satunggaling genetikawan molekuler ingkang asalipun saking nagara Amérika Sarékat ingkang miyos wonten ing Italia lan minangka pemenang sesarengan Penghargaan Nobel ing babagan Fisiologi taun 2007. Wekdal punika piyambakipun minangka salah satunggaling Profesor Luar Biyasa genetika manungsa lan biologi wonten ing Sekolah Kedhokteran Universitas Utah.[1]
| Mario Capecchi | |
|---|---|
 | |
| Lair | Oktober 6, 1937 Verona, Itali |
| Babagan | Genetika |
| Institusi | Harvard School of Medicine Universitas Utah |
| Alma mater | Antioch College, Ohio Universitas Harvard |
| Misuwur amarga | Knockout mouse |
| Notable awards | Albert Lasker Award for Basic Medical Research (2001) Penghargaan Wolf dalam Kedhokteran (2002) 20px Penghargaan Nobel dalam Fisiologi atau Kedhokteran (2007) |
Taun awal besut
Mario Capecchi miyos wonten ing tlatah Verona, Italia nalika taun 1937 saking Luciano Capecchi, satunggaling penerbang Italia ingkang lajeng dipunlaporaken ical wonten ing tugas nalika ngoperasikaken senapan anti-pesawat wonten ing Libya, lan Lucy Ramberg, miyos wonten ing Amérika saking satunggaling pelukis Impresionis Lucy Dodd Ramberg lan arkeologis Jerman Walter Ramberg.[2]
Nalika kadadosan Perang Dunia II, ibu Mario Capecchi dipunkintun dhateng kamp konsèntrasi Dachau minangka paukuman amargi minangka salah satunggaling anggoota saking kelompok anti Fasis, ninggalaken putranipun ingkang nembé umur 4 taun ing asuhan kulawarga wong tani Italia. Éwadéné ibunipun sampun nyadé sadaya bandha donyanipun lan dipunparingaken dhumateng kulawarga wong tani punika kanggé ngasuh putranipun, nanging arta punika telas wonten ing wekdal satunggal taun lan kulawarga mau boten saged malih ngrumat Capecchi. Capecchi gesang wonten ing pinggir margi ing sisih lèr Italia antawis sekawan taun mengajeng.
Nalika taun 1945, ibunipun dipunbebasaken saking kamp déning wadyabala AS ingkang lajeng madosi putranipun lan manggihaken satunggal taun candhakipun kanthi kaanan ingkang sampun sekarat amargi kekirangan gizi wonten ing salah satunggaling griya sakit.
Ibu lan anak mau lajeng pindhah dhateng Pennsylvania, Amérika Sarékat. Wonten ing mrika, kulawarga punika dumunung ing papanipun pakdhé Cappechi saking pihak ibu, Edward Ramberg, salah satunggaling fisikawan wonten ing RCA.
Capecchi pikantuk gelar B.S.ipun wonten ing babagan kimia lan fisika nalika taun 1961 saking Antioch College wonten ing Ohio. Piyambakipun pikantuk gelar Ph.D.ipun wonten ing babagan biofisika nalika taun 1967 saking Universitas Harvard kanthi tesis dhoktor wonten ing sangandhapipun bimbingan James D. Watson. Capecchi naté dados anggota Junior Fellow of the Society of Fellows wonten ing kampus Universitas Harvard saking taun 1967 dumugi taun 1969. Nalika taun 1969 piyambakipun dados Asisten Profesor wonten ing Departemen Biokimia Sekolah Medis Harvard. Piyambakipun dipunpromosikaken dados Profesor Associate wonten ing taun 1971. Nalika taun 1973 piyambakipun kagabung dhateng Universitas Utah. Wiwit taun 1988 Capecchi ugi naté dados satunggaling tiyang investigator wonten ing Howard Hughes Medical Institute. Piyambakipun minangka salah satunggaling anggota National Academy of Sciences.[3]
Knockout mouse besut
Mario Capecchi misuwur amargu karyanipun wonten ing penargetan gen sel punca saking embrio tikus ingkang mungkinaken tèknologi transgenik kalebet kloning lan modifikasi genetika. Kasil kerja punika dipunraih kanthi usaha Martin J. Evans lan Oliver Smithies ingkang nliti knockout mouse. Kasil kerja punika ingkang ndadosaken para panliti punika sadaya dipunanugrahi Penghargaan Nobel taun 2007 babagan kadhokteran utawi fisiologi.
Cathetan suku besut
Pranala njaba besut
- Howard Hughes Medical Institute biography Archived 2012-03-02 at the Wayback Machine.
- Eccles Institute of Human Genetics biography Archived 2007-10-11 at the Wayback Machine.
- University of Utah biography Archived 2007-10-11 at the Wayback Machine.
- Interviews with Mario Capecchi from Dolan DNA Learning Center's DNA Interactive
- Capecchi animation from Dolan DNA Learning Center's DNA from the Beginning