Mata Kebo inggih punika salah satunggaling dhedhaharan tradhisional ingkang kalebet jajanan pasar.[1] Kue mata kebo ugi asring dipunwastani "kue ku". Kué mata kebo dipundamel saking glepung ketan ingkang isinipun inggih unti (parutan klapa ingkang dipuncampur kaliyan gula jawa).[2] Warnanaipun kué mata kebo inggih padatanipun abang utawi ijo. Adonan kué punika lajeng dipunwungkus kaliyan godhong gedhang lajeng dipundang.

Mata Kebo
Mata kebo ingkang mandheng mentheleng, minangka inspirasi tetedhan punika

Nanging ing versi sanès, bilih kué mata kebo punika ugi wonten ingkang isinipun kacang ijo. Raosipun kué mata kebo inggih kenyel tur legi.[3] Variasi jinis kue mata kebo utawi kue ku sapunika sampun manéka warna. Wonten mata kebo ingkang dipundamel saking uwi ungu ingkang dadosaken kue mata kebo wernanipun dados ungu, ugi wonten ingkang warninipun ijem amargi dipundamel saking pewarna ijem utawi pewarna alami saking ron suji. Padatanipun kue mata kebo punika dipunsade wonten pasar-pasar tradhisional minangka salah satunggaling jinis jajanan pasar.

Cathetan suku besut

  1. }[1] Archived 2013-01-28 at the Wayback Machine.(dipunundhuh tanggal 17 Novèmber 2012)
  2. }[2] Archived 2011-02-17 at the Wayback Machine.(dipunundhuh tanggal 17 Novèmber 2012)
  3. }[3](dipunundhuh tanggal 17 Novèmber 2012)