Max Boot (lair ing Ruslan, 12 Sèptèmber 1969) ya iku panulis, kolumnis lan sajarawan kondhang saka nagara Ruslan.[1] Saliyané dadi panulis lan sajarawan, Boot uga dadi analis keamanan nasional. Dhèwèké uga salah sawijining wong kang ana ing Studi Keamanan Nasional ing Déwan Hubungan Internasional Amérikah Sarékat karo Jeanne J. Kirkpatrick.[2]

Max Boot
Boot ing taun 2010
Lair12 Sèptèmber 1969
Moscow, Uni Soviet (saiki Russia)
PakaryaPenulis, sajarawan
WiyataUniversitas California, Berkeley (BA)
Universitas Yale (MA)
DulurAlexander Boot, Bapak
Situs jaringan
MaxBoot.net

Kauripan besut

Max Boot anak saka Alexander Boot lan Penelope Blackie. Bapaké duwé pagawéyan dadi dosèn ing Universitas Moskwa ing Moskwa. Ibuké duwé pagawéyan dadi pianis. Max Boot ora gedhé ing Ruslan, nanging dhèwèké gedhé ing Los Angeles, Amérikah Sarékat. Bapak lan ibuké Max Boot kuwi wong Yahudi Ruslan lan biyen bapak ibuké tau nglakokaké migrasi saka Uni Sovyèt menyang Los Angeles taun 1976.Taun 1991, Max Boot lulusan saka Jurusan Sajarah Universitas California ing Berkeley lan olèh gelar BA ing studi Sajarah. Dhèwèké uga olèh gelar Master saka Jurusan Sajarah ing Universitas Yale. Boot duwé bojo lulusan saka Fakultas Hukum Universitas Harvard.[3][4]

Karir besut

 
Max Boot

Wiwit isih dadi mahasiswa, Boot wis sregep nulis ing kolom-kolom berita, utamané ing koran mahasiswa, ya iku The Daily Californian. Saliyané nulis ing kolom-kolom berita, Boot uga dadi pambesut utawa editor lan panulis ing koran Amérika, ya iku Christian Science Monitor taun 1992 tekan 1994. Dhèwèké nduwèni akèh pagawéyan ing babagan médhia utawa koran. Boot uga dadi panulis ing USA Today, New York Times, lan dhèwèké pindhah nulis menyang Wall Street Journal suwéne 8 taun. Nalika dadi panulis, Boot tau nulis ing koran babagan investigasi prakara hukum kang duwé jeneng "The Rule of Law". Sawisé nulis investigasi kuwi, Boot banjur olèh promosi dadi pambesut surat kabar.[5]

Taun 2002, Boot metu saka Wall Street Journal lan dhèwèké banjur duwé pagawéyan anyar ing Déwan Hubungan Luar Negeri minangka Senior Fellow ing babagan Studi Keamanan Nasional. Ing taun 2002, Boot uga nulis buku studi ing babagan perang kang ana gegayutané karo sajarah Amérika, ya iku buku Savage Wars of Peace. Nanging, buku kang ditulis karo Boot kuwi mau olèh tanggepan saka tokoh-tokoh. James A. Russel kandha yèn Boot ora nglakokaké panelitian kritis ing buku kuwi.[6] Ana uga tanggepan kang apik lan positif marang buku kang wis ditulis déning Boot, ya iku tanggean saka Victor Davis Hanson. Dhèwèké ngandakaké yèn narasi kang ditulis déning Max Boot kuwi apik yèn diwaca lan didaktik. Saliyané kuwi, buku kang ditulis Max Boot bisa menang ing pangaji-aji General Wallace M. Greene Jr saka Marine Corps Heritage Foundation taun 2003. Buku kuwi mau olèh dadi buku kang paling apik. Taun 2006, Max Boot nulis lan nyétak tulisan analisis révolusi ing babagan téknologi militèr kang duwé judhul War Made New. Tulisan Maxx Boot ing buku kuwi nuduhaké yèn militèr bisa kaleksanan sedyané nalika duwé sistem administrasi lan susunan struktur kang apik kanggo mangsa ngarep.[7]

Saliyané nulis karya, Boot uga duwé karir ing babagan politik. Taun 2007-2008, Max Boot dadi panaséhat kebijakan luar negeri kang wis sénior kanggo kampanyé john McCain. Taun 2011-2012, dhèwèké uga dadi panaséhat kanggo Mitt Romney, lan taun 2015-2016 dadi panaséhat Marco Rubio. Nalika ana mangsa pemilu ing Amérika Sarékat, dhèwèké dadi salah sawijining wong kang ora bisa narima calon prèsidhèn Donald Trump. Nalika pamilihan kuwi mau, dhèwèké gabung ana ing tim kang nyengkuyung calon démokratik Hillary Clinton.[8] [9]

Karya besut

Max Boot duwé pirang-pirang karya awujud buku kang wis ditulis.

  • Out of Order: Arrogance, Corruption and Incompetence On The Bench (1998)[10]
  • The Savage Wars of Peace: Small Wars and the Rise of American Power (2002)[11]
  • The “American Empire” in the Middle East (2004)[12]
  • War Made New: Technology, Warfare, and the Course of History, 1500 to Today (2006)[13]
  • Invisible Armies: An Epic History of Guerrilla Warfare from Ancient Times to the Present (2013)[14]
  • The Road Not Taken: Edward Lansdale and the American Tragedy in Vietnam (2018)[15][16]
  • The Corrosion of Conservatism: Why I Left the Right (2018)[17]

Pangaji-aji besut

Max Boot duwé pirang-pirang pangaji-aji[1]

Taun Pangaji-aji
2019 Finalis kanggo Pulitzer ing biografi
2019 Salah sawijining "Imigran Hebat" Amerika saka Carnegie Corp.
2018 Salah sawijining wong saka 50 wong Yahudi Amérika kang paling duwé daya pangaribawa saka Forward
2007 Pangaji-aji Eric Breindel kanggo Keunggulan ing Jurnalisme Opini
2004 Salah sawijining wong saka 50 wong Amérika kang paling duwé daya ing kebijakan luar negeri déning Dewan Urusan Dunia Amerika


Rujukan besut

  1. a b "Max Boot". Washington Post (ing basa Inggris). Dibukak ing 2020-03-10.
  2. "The Jeane J. Kirkpatrick Chair in National Security Studies". Council on Foreign Relations (ing basa Inggris). Dibukak ing 2020-03-12.
  3. "Max Boot". The New York Times. 2013-01-25. Diarsip saka asliné 2013-01-25. Dibukak ing 2020-03-12.{{cite web}}: CS1 maint: bot: original URL status unknown (link)
  4. "Max Boot Biography, Age, Family, Wife, Books, Invisible Armies, Twitter". informationcradle.com. Dibukak ing 2020-03-12.
  5. "Max Boot". Council on Foreign Relations (ing basa Inggris). Dibukak ing 2020-03-12.
  6. Russell, James A. (2004-07-29). "The Savage Wars of Peace: Small Wars and the Rise of American Power (review)". Journal of Cold War Studies (ing basa Inggris). 6 (3): 124–126. ISSN 1531-3298.
  7. "Books: Max Boot's The Savage Wars of Peace | History News Network". hnn.us. Dibukak ing 2020-03-13.
  8. "Op-Ed: The Republican Party is dead". Los Angeles Times (ing basa Inggris Amérika Sarékat). 2016-05-08. Dibukak ing 2020-03-13.
  9. "Max Boot, Professional Former Republican". The American Conservative (ing basa Inggris Amérika Sarékat). Dibukak ing 2020-03-13.
  10. Boot, Max (1998-05-08). Out Of Order: Arrogance, Corruption, And Incompetence On The Bench (ing basa Inggris). Basic Books. ISBN 978-0-465-05432-9.
  11. "The Savage Wars of Peace". www.goodreads.com. Dibukak ing 2020-03-13.
  12. Boot, Max (2004-01-28). The "American empire" in the Middle East (ing basa Inggris). Berkeley Public Policy Press, University of California.
  13. Boot, Max (2006). War Made New: Technology, Warfare, and the Course of History, 1500 to Today (ing basa Inggris). Penguin. ISBN 978-1-59240-222-9.
  14. DeGroot, Gerard (2013-02-15). "Book review: 'Invisible Armies,' a history of guerrilla warfare, by Max Boot". Washington Post (ing basa Inggris Amérika Sarékat). ISSN 0190-8286. Dibukak ing 2020-03-13.
  15. Logevall, Fredrik (2018-01-09). "The War That Never Goes Away". The New York Times (ing basa Inggris Amérika Sarékat). ISSN 0362-4331. Dibukak ing 2020-03-13.
  16. "The Road Not Taken". www.goodreads.com. Dibukak ing 2020-03-13.
  17. "The Corrosion of Conservatism". www.goodreads.com. Dibukak ing 2020-03-13.