Meriam Bellina
Meriam Bellina (jeneng dawa: Ellisa Meriam Bellina Maria Bamboe; lair ing Bandung, Jawa Kulon, 10 April 1965; umur 59 taun).[1] Meriam Bellina ya iku salah sawijiné aktris Indonésia kang duwé akèh kabisan.[1] Meriam Bellina iku anak saka Maria Theresia lan G.H. Bamboe (tukang nggawé sikil palsu).[1] Sadurungé dadi artis, Meriam Bellina duwé kepenginan dadi pramugari Garuda Indonésia, nanging Meriam Bellina metu saka SMAK Dago Bandung (kelas II) lan dadi gadis sampul ing majalah Gadis.[1] Meriam Bellina duwé katurunan Barat, ya iku Walanda lan Jerman.[1] Sawisé manggon ing nagari Kanada, Meriam bisa basa Inggris kanthilancar lan duwé kasenengan maca novèl.[1]Logat Indone kalebu "r" kang diunékaké nganggo swara garau uniné désah (guttural fricative) kaya wong pilek.[1] Film kang sepisanan dibintangi Meriam Bellina ya iku filem kang judhulé Perawan-Perawan.[1] Film iki dibintangi Meriam Bellina nalika dhèwèké isih remaja.[1] Sawisé éntuk Piala Citra nalika taun 1984 ing kategori Ingkang maragani utama Wanita paling apik ing filem Cinta di Balik Noda kariré wiwit misuwur ing filem Catatan si Boy.[1] Nominasi FFI taun 1984 lumayan abot awit ing saliyané Meriam Bellina kang dadi nominasi ya iku Christine Hakim, Yenny Rahman, Zoraya Perucha, dan Lidya Kandau.[1] Sanajan duwé bakat dadi aktris drama, nanging pungkasane "Si Mer" luwih aktif main ing sinétron kang témané komedi.[1] Meriam Bellina éntuk piala citra manèh lumantar filem kang judhulé Taksi ing taun 1990.[1]
| Meriam Bellina | |
|---|---|
 | |
| Lair | Ellisa Meriam Bellina Maria Bamboe |
| Pakaryan | aktris, penyanyi,bintang iklan,bintang filem dan sinétron |
| Taun aktif | 1984-sapunika |
| Bojo | Ferry Anggriawan (cerai) Adi Surya Abdi (cerai) |
| Anak | Albert Surya (saka bojo kaloro) Nigel Pino (saka bojo kaloro) |
Meriam Bellina uga nduwé album.[2] Albume kaya ta Simfoni Rindu, Untuk Sebuah Nama, lan Belajar Menyanyi.[2] Déné lagu-lagu kang dadi andalané ya iku lagu kang judhulé Begitu Indah (lagu iki tau disensor nalika jamn papréntahan Soeharto amarga liriké kang pesimis), Kerinduan lan khususé lagu-lagu karangan Pance F. Pondaag.[2] Meriam Bellina wis nikah lan cerai kaping pindho karo prodhuser filem.[2] Rainé kang Indo (blasteran Makassar-Jawa-Jerman-Sunda-Walanda) narik kawigatén salah sijiné penulis Walanda kang jenengé Ivan Wolffers, kang nggambaraké rasa éram lan obsesiné ing novèl Liefste, mijn liefste (1992) (Sayang, oh sayangku).[2] Novèl iki laris lan bisa kadol punjul 10.000 buku.[2]
Cathetan suku
besut
| Artikel iki minangka artikel rintisan. Kowé bisa ngéwangi Wikipédia ngembangaké. |