Mi dhes
Mi dhes inggih punika dhaharan khas ingkang asalipun saking Kapanéwon Pundhong, Kabupatèn Bantul, Daérah Istiméwa Ngayogyakarta. Mi punika dipun damel ngginakaken sajinis mi penthil ingkang bahanipun saking glepung kanji. Nami mi dhes sajatosipun cekakaning tembung bakmi pedhes.[1][2]
| Panggonan asal | Indonésia |
|---|---|
| Tlatah utawa praja | Bantul, Daérah Istiméwa Ngayogyakarta |
| Hawa ajangan | Anget |
| Woworan pokok | Glepung kanji, lombok |
 Buku masakan: Mi dhes  Médhia: Mi dhes | |
Sajarah
besutMi dhes dipun damel pisananipun déning Pawiro Sentono nalika taun 1960-an ing Kapanéwon Pundhong, Kabupatèn Bantul, D.I. Ngayogyakarta.[2] Mi punika ngginakaken sajinis mi penthil, bèntenipun mi penthil punika dipun damel nganggé mesin giling utawi pirantos près, wondéné mi dhes, mi-nipun dipun iris manuwal nganggé pangot.[1][3] Ukuran mi-nipun langkung ageng tinimbang mi-mi limrah, ugi raos kalihan tèksturipun langkung gurih kalihan kenyal. Miturut katrangan Direktorat Warisan dan Diplomasi Budaya, mi dhes kalebet mi langka utawi boten gampil kapanggih sabab prodhuksinipun namung mapan ing Pundhong, Bantul.[2][4]
Caranipun ndamel
besutRikala semanten, mi dhes namung dipun olahi kanthi cara dipun gorèng, nanging sapréné ing warung-warung inggih wonten ingkang ngolahi kanthi cara dipun godhog. Bumbunipun dipun damel saking racikan mrica, kemiri, lombok, brambang, bawang pethak, kalihan urang alit, wondéné lawuhipun nganggé tigan kalihan sambel. Ing peken, mi dhes racakipun dipun sadé nganggé bungkus ron jati utawi gedhang.[2][4]
Rujukan
besut- ↑ a b "Mie Penthil, Mie 'Legend' dari Pundong Selain Miedes". Kedaulatan Rakyat. 2016-07-24. Diarsip saka sing asli ing 2019-08-21. Dibukak ing 2023-02-04.
- ↑ a b c d "Mie Des". Warisan Budaya Takbenda. Dibukak ing 2023-02-04.
- ↑ Review Mie Pentil dan Miedes Jogja | Rasa Mienya Gurih dan Enak!!, dibukak ing 2023-02-04 – lumantar YouTube
- ↑ a b "Kenyal Pedas Miedes, Racikan Mie Lethek Khas Bantul". Detik Food. Dibukak ing 2023-02-04.