Mi pèntil
Mi pèntil inggih punika dhaharan khas ingkang asalipun saking Kapanéwon Pundhong, Kabupatèn Bantul, Daérah Istiméwa Ngayogyakarta. Mi punika bahan utamipun saking glepung kanji. Werni kuning limrahipun dipun asilaken saking kunir, nanging kadhangkala werninipun namung pethak amargi boten dipun paringi kunir. Mi pèntil saged dipun olahi dados mi gorèng utawi mi godhog mawi tambahan sambel kalihan brambang gorèng.[1][2]
| Panggonan asal | Indonésia |
|---|---|
| Tlatah utawa praja | Bantul, Daérah Istiméwa Ngayogyakarta |
| Hawa ajangan | Anget |
| Woworan pokok | Glepung kanji |
 Buku masakan: Mi pèntil  Médhia: Mi pèntil | |
Mula bukaning tembung besut
Miturut situs pawartos KR Jogja, mi pèntil punika dumadi saking kalih tembung, inggih punika "mi", gulungan adhonan ingkang tipis kalihan panjang, sarta tembung "pèntil", ingaran pèntil amargi wujud mi-nipun panjang kalihan raoispun kenyal mèh sami kalihan jinising piranti saking karèt ingkang dipun anggé ing ban (pèntil).[2][3]
Caranipun ndamel besut
Bahan utaminipun mi pèntil punika glepung kanji ingkang dipun godhog rumiyin, lajeng pati kanjinipun dipun idak-idak supados pikantuk pati kanji ingkang kalis. Prosès pangidak-idakipun nganggé suku ingkang dipun lapisi mawi plastik. Salajengipun, patinipun dipun lebetaken dhumateng mesin giling ingkang mangké bakal ngasilaken mi pèntil. Mi pèntil saged dipun olahi dados mi gorèng tuwin mi godhog. Ing peken, mi pèntil racakipun dipun sadé minangka mi gorèng ingkang kabungkus mawi ron jati. Éwadéné, ing tlatah asalipun, mi pèntil limrahipun dipun sadé dados olah-olahan mi pedhes utawi ing ngrika ingaran miedhes.[1][2]
Rujukan besut
- ↑ a b Sabandar, Switzy (2022-10-20). "Mi Pentil, Kuliner Asli Bantul yang Bukan Berbahan Terigu". Liputan6.com. Dibukak ing 2023-02-04.
- ↑ a b c Sigit, Agus (2016-07-24). "Mie Penthil, Mie 'Legend' dari Pundong Selain Miedes". Kedaulatan Rakyat. Diarsip saka sing asli ing 2019-08-21. Dibukak ing 2023-02-04.
- ↑ Anggara, Septyan Bayu (2021-04-09). "8 Makanan dengan Nama Jorok dan Bikin Pikiran Ngeres. Eh, Tapi Rasanya Enak, Lho!". Hipwee. Dibukak ing 2023-02-04.