Mikrotubula
Mikrotubula ya iku organel sèl,ing jero sitoplasma kabèh sèl eukariot, wujud silinder dawa kang duwé gronggongan kanthi diameter njaba kira-kira 25 nm lan diameter njero ± 12 nm.[1][2] Dawane warna-warna saka pirang-pirang nanometer nganti prang-pirang mikrometer.[1] Mikrotubula kasusun saka molekul-molekul bunder protéin globular kang diarani tubulin, kang kanthi spontan nggabung ing kaanan tinamtu mbentuk silinder dawa kang duwé gronggongan.[1][2] Saben molekul tubulin kasusun saka rong subunit polipeptida kang wujud,α-tubulin lan β-tubulin.[2] Saben molekul tubulin duwé bobot molekul 110.000 Dalton lan minangka dimer saka protéin tubulin α lan tubulin β.[1] Ing irisane, mikrotubula katon kasusun saka 13 subunit ing susunan heliks.[1] Subunit iki ya iku péranganing 13 benang tubulin, saben subnit karonce mbentuk heliks kang minangka péranganing dinding mikrotubula.[1] Sakloron macam tubulin iki kasusun kanthi selang seling sadawaning benang.[1]
Enzim protease aspartat kang disekresi déning HIV lan avian myeloblastosis virus tinemu nggondheli prosès ronce mikrotubula, kanthi ngiris hormon MAP.[3]
Uga delengen
besut| Wikimedia Commons duwé médhia ngenani Microtubules. |
Cathetan suku
besut- ↑ a b c d e f g Salisbury FB, Ross CW. 1995.Fisiologi Tumbuhan. Indonesia: Penerbit ITB Bandung. Hal 22. ISBN 979-8591-20-8.
- ↑ a b c Campbell NA, Reece JB, Mitchell LG. 2002. Biologi, Edisi Kelima, Jilid I. Jakarta: Erlangga. Hal:130, 126 ISBN 979-688-468-2
- ↑ "Proteolytic cleavage of microtubule-associated proteins by retroviral proteinases". Department of Zoophysiology, University of Göteborg; Wallin M, Deinum J, Goobar L, Danielson UH. Dibukak ing 2010-06-25.
| Artikel iki minangka artikel rintisan. Kowé bisa ngéwangi Wikipédia ngembangaké. |